জিরিবামদগী ইম্ফাল য়ৌনবা হৌজিক হৌজিক য়াম্না খূমাঙ চাওশীন্না,অহীং-নুংথিল লেপ্পা লৈতনা শেমগৎলক্লিবা রেল লম্বী অসী লাক্লিবা কুমশিং ২০২৮ ফাওবগী মনুঙদা ইম্ফাল ফাওবা শেম্বা পূম্লোই লোইশিন্ননবা পান্দম থম্লি।লমগী মতাঙদা চয়েৎনবা থোইনা লৈত্রে।চীঙগী শরুক্না চাদা ৯০ হেনবা মরম্না প্রোজেক্ট অসী য়াম্না কন্না, লেপ্পা লৈতনা হোৎনরবসু মঙম শানবদি ঙমদ্রি হায়না নোর্থ ফ্রন্টিয়র রেলৱে ইম্ফালগী দিপ্যুটি চিফ ইঞ্জিনিয়র মোহম্মদ সেম্মুয়ল না ফোঙদোকখ্রে।
মহাক্না হায়, হৌজিক জিরিবামদগী ইম্ফাল য়ৌনা শেম্লক্লিবা কিলোমিটর ১১০ শাংবা রেল লম্বী অসীগী চাদা ৭২ গী শরুক্তি শেম্বা লোইখ্রে।নোং ঙাইহাক লৈতনা চুবা, চীঙগী লম ওইবা অমদি টন্নেল মশীঙ য়াম্না হূৎপা অমসুং অশাংবা টন্নেল য়াওবা অসীনা মরম ওইদুনা থবক অসীদা কা হেন্না মঙম শানবদি ঙমদ্রি। অদূম ওইনমক লেপ্পা লৈতনা থবক পায়খৎলিবা ওইবনা কুমশীং ২০২৮ ফাওবগী মনূঙদা ইম্ফাল য়ৌরকপা ঙম্লগনি।চৎলিবা চহী অসীগী মনূঙদা অৱাং খুল ফাওবা রেল লম্বী শেম্বগী থবক লোইরগনি হায়খি।
মহাক্না মখাতানা হায়, লাক্কদৌরিবা মথঙগী চহী ২০২৭ ফাওবদা নোনে ফাওবা শেম্বা লোইরগনি।মসীগী হেক মথঙদা কুমশিং ২০২৮ দদি ইম্ফাল ফাওবা রেল লম্বী শেম্বগী থবক পূম্লোই লোইরগনি হায়না ফোঙদোকখিবগা লোয়ননা রেলগারি য়ৌরকপা মতমদুদদি ইম্ফালগা লৈবাক্কি অতৈ মফমশিংগা হেন্না নকশীন্নবা মরী থম্বা ঙম্লক্লগনি অদুগা তঙায়ফদনা নোংমদা চঙদবা য়াদ্রবা পোৎলমশিং য়াওনা অতৈ হিংবদা চঙলিবা পোৎ-চৈ পূম্নমক্কি মমলসু য়াম্না হোঙনা মীয়াম্না ফংলগনি হায়খি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা