মতম শাংনা জিরিবাম দিষ্ট্রিক্টকি মীয়াম্না দিষ্ট্রিক্ট অসীগী হোস্পিটাল অসীগী অৱাৎপা ইনফ্রাষ্ট্রকচর, মেনপৱার অমসুং অতৈ অতৈ ফেসিলিটিশিং মপূঙফানা থম্বিননবা মনিপুর লৈঙাক্তা অল্টিমেটম ফাওবা পীদুনা খঙহনখ্রবা মতূঙদা লৈঙাক্কি মায়কৈদগীসু মদূবু থবক ওইনা পাঙথোক্লগনি হায়না কয়ারক থাজবা পীখ্রবসু হৌজিকফাওবা থবক্তা ওন্থোরক্তবগী মায়োক্তা মীয়াম্না অকনবা খোঙজঙ চঙশীল্লগনি হায়না লাউথোকখ্রে।
জিরিবাম দিষ্ট্রিক্ট হোস্পিটালগী দাক্তরশিং অমসুং মেদিকেল ওফিসারনচিংবগী অৱাৎপশিং মেনশিনবিনবা ষ্টেট লৈঙাক্কি মফমদা মতম কয়াগী মমাঙদগী তকশীন্দুনা লাকখ্রবসু অতোনবীগী মচাগুম থওইদনা লৈঙাক অসীনা নাথৈদুনা লাক্লি। ঙসী নোংমা-নীনী অসীগী মনূংদা ষ্টেট লৈঙাক্কি মায়কৈদগী জীরিবাম মীয়ামগী দিমান্দ মপূঙফানা ফংহনগদবনি। মদূ নত্রবদি লাক্লিবা ফেব্রুয়ারি ৪দগী ইকোনোমিক ব্লোকেদকি খোঙজঙ মতম কক্ত না চত্থরগনি হায়না মোনিটরিং কম্মিটি, জিরিবাম ৫০ বেদেদ হোস্পিটাল, জিরিবামনা লাউথোকখ্রে।
জিম্পালগী ওফিস্তা পাঙথোকখিবা পাউমীশিংগা উনবা থৌরমদা কম্মিটি অসীগী কো-কনভিনর ওইনা লৈরিবা পি ঐচ মোন্টেশ্বরিনা ৱাফম অসী ফোঙদোকখিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে