ঊখ্রূল লম্বীদা কুকি-জো কাঙলূপ্না কাউন্টর ব্লোকেটকি খোঙজঙ চঙশীবা হৌখ্রে। খোঙজঙ অসীগী মনূঙ চন্না কুকি-জো কাঙলূপকি মশীং য়াম্লবা মীয়াম্না লম্বীদা থোক্লক্তুনা অচৎ-অওকশিং, মখল খূদীঙমক্কি গারিশিং চত্থোক-চৎশীন তৌবদা অথীংবা থমখিবগা লোয়ননা লম্বী অসীদা লাকপা তাঙ্খুল পেসেঞ্জরশিংনা গারিদা হাপতুনা পুরকপা পোৎলমশিং মুন্দুনা লৌথখ্রে। সেক্যুরিটি ফোর্সশিংগী মীৎমাঙমক্তদা অচা-অথকশিং, য়েঞ্জাং-নাপী কয়ামরুম মুনখিবনি হায়রি।
নাগা মীচম তরূক হাৎখিবা অদূদা চেন্নবা মীওইশিং ফাগত্তুনা আইনগী ওইবা মতীকচাবা চৈরাক পীগদবনি, মীয়ামদা মীহাৎ অদুগী জষ্টিস ফংহল্লু হায়বা দিমান্দ তৌরদুনা য়ুনাইটেদ নাগা কাউন্সিল (য়ু এন সী) না চত্থরকপা ইকোনোমিক ব্লোকেদনা মরম ওইদুনা কুকি-জোশিংনা খুন্দারিবা মফমশিংদা অনা-লায়েঙগা মরী লৈনবা হীদাক লাংথকশিং অমদি মীয়ামগী নোংমদা চঙদবা য়াদ্রবা চীঞ্জাক্কী পোৎলমশিং ফংলক্তবগী মায়োক্তা কুকি -জো কাঙলূপকি মীয়াম্নসু কাউন্টর ব্লোকেদকি খোঙজঙ অদূ চত্থরকখিবনি।
কাউন্টর ব্লোকেদ খোঙজঙ অদূগী অহৌবা নুমিৎতা ঙরাং ইম্ফাল-উখ্রূল লম্বীগী লীটান পুলিস ষ্টেসনগী মনূঙ চনবা সংকাই কুকি এরিয়াদা তাঙ্খুল পেসেঞ্জরশিংনা সেক্যুরিটি এস্কোর্ট কা লোয়ননা গারিশিংদা পুরকখিবা চানা-থক্নবা পোৎলমশিং অদূ মুন্দুনা লৌথরবা মতূঙদা মখোয়গী খুলদা পুশিনখিবনি হায়রি।
You may also like
-
এন আর সি খূদক্তা অপদেট তৌগদবনি হায়দুনা লিলোংদা ৱাকৎ মীফম চত্থখ্রে
-
রুদা একাদেমি গী মহৈরোয়শিংনা ৱেষ্ট মেনেজমেন্ট প্লান্ট য়েংখ্রে
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার