ইরান্না ন্যুক্লিয়র খূৎলায় অমসুং মিসাইল প্রোজেক্টশিং লোন্না পায়খত্তুনা, পৈশিন্দুনা মরাং কায়না থম্লি হায়বগী মতাগুম ঙাইহাক লৈতনা নোংথক্তগী এত্তেক চত্থরক্তুনা ইজরেলদা কিহন-খংহনবগী থৌওং চত্থরকপা অমসুং ইজরেল মচা কয়াগী পুন্সি মাঙহল্লকপদগী লম্মন খুম্বগী থবক কয়ামরুম ইজরেলনা লৌখৎলি হায়না ইজরেল প্রাইম মিনিষ্টর বেঞ্জামিন নেতানিয়াহুনা নৌহৌননা ফোঙদোকখ্রে।
লৈবাক অনীগী মরক্তা নোংথক্তগী অমনা অমদা এত্তেক চত্থনবগী থৌওংসু অঙকপা ফংনা কনখৎলক্লি। চৈরকশিদা ইজরেল- ইরান অনীগী অকনবা লান্দা অসীগী মতাঙদা প্রাইম মিনিষ্টর নরেন্দ্র মোদিনা লৌখৎলিবা থৌশিল অসী নাকল নাম্মখক্তদা শৌগৎপগী থৌশিল চত্থৈ হায়না ওপ্পোজিসন্না য়াম্না কন্না য়ানীংদবা ফোঙদোকখ্রে। নুমিৎ হুম্নি চনশিনখ্রবা লৈবাক অনীগী অকনবা লান্দা অসীদা অমনা অমদা নোংথক্তগী মিসাইল এত্তেক শিং অঙকপা মওংদা চত্থনরক্তুনা অওক- অথোম তৌনরি।
ইজরেল দিফেন্স ফোর্সনা ফোঙদোকখিবগী মতূঙ ইন্না, ঙরাং অঙনবা অয়ূক্তা নাকল অনীমক্না অমনা অমদা নোংথক্তগী মিসাইল এত্তেকশিং অকনবা মওংদা চত্থনখি। ইরান দিফেন্স মিনিষ্ট্রিগী হেদ ক্বার্টর অমসুং ন্যুক্লিয়র প্রোজেক্টশিং দা অমাঙ- অতা চাউনা থোকহনখি। ইরানগী টেহরান্দা লৈবা য়াম্না মরূওইবা ন্যুক্লিয়র খূৎলায় থম্ফম অমসুং ওইল দিপোশিংদা চাউনা মাঙ তাকহনখ্রে। ইজরেলনা ইরানগী মিসাইল ফেক্তরিশিংসু শাথীনা মাঙ- তাকহনখি হায়রি। হৌজিকফাওবদা ইরানগী মীওই ৮০ অমসুং ইজরেলগী মীওই ১০ হন্দক্কি লান অসিদা শিখ্রে হায়রি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে