ইরান- ইজরেল অনীগী মরক্তা অওক- অথোম লম্মন খুম্নদুনা নোংথক্তগী লান্থেংনরকপা নুমীৎ ১৩ নি চনখ্রে। ইরান্না ইজরেলদা নোংথক্তগী মিসাইল, দ্রোন্নচিংবা পাক সন্না শীজিন্নদুনা অকনবা এত্তেক চত্থখিবা মতূঙ ইকান কান্নদনা ইজরেলগী ফাইটর জেটশিংনা নোংথক্তগী বোম থাধবা অমসুং অকনবা মিসাইল এত্তেকশিং চত্থরক্তুনা ইরানগী ফোর্দো ন্যুক্লিয়র সাইটশিংদা অমসুং টেহরান্দা লৈরিবা ইভিন প্রিজন্নচিংবা মরূওইবা মফমশিংদা অমাঙ- অতা কয়ামরুম থোকহনখি।
মসীগী মতাঙদা য়ু এসকি অকিবগী মশক ওইনা তমথিরবা ষ্টিল্থ ফাইটর বোম্বর অনীনা ইরানগী ন্যুক্লিয়র সাইট অহুমদা অকনবা এত্তেক চত্থরুরবা মতূঙ বোম্বরশিং অদু অশোয়- অঙাম অমত্তা থোক্তনা বেজশিংদা থুংখিবনি।
চৈরকশিদা য়ু এসকি থৌওং অদুগী মতূঙদা মালেমগী অহূমশুবা লাঞ্জাও অমা থোক্লকপা য়াবগী অকিবা চাউনা লৈরকখিবা মরক্তা লৈবাক কয়ামরুমনা ইরান অমসুং ইজরেল অনীগী মরক্তা শোক্নরিবা লান অসী খূদক্তা শান্তিগী ৱারী শানদুনা ৱারোয়শিন অমা পুরক্নবা তকশীন্নরক্লি।