ঈচাউ নংলবশিংদা মতেং পাংখে

অৱাং-নোংপোক ভারত শিনবা থুংনা থোকখিবা অকনবা ঈশিং-ঈচাউগী মরক্তা, মালেমগী খ্বাইদগী চাউবা তেলিকোম ইনফ্রাস্ত্রকচর কম্পনীশিংগী মনুংদা অমা ওইরিবা অসিনা খুদোংচাদবা মতমদা কম্ম্যুনিতীদা মতেং পাংনবা লেপ্পা লৈতনা হোৎনরিবা মখোয়গী লেংদ্রবা ফিরেপ অদু উৎখ্রে। মাগী মরুওইবা কোর্পোরেত সোসিএল রেসপোন্সিবিলিতি (সি.এস.আর.) ইনিসিয়েতিব, প্রগতিগী মখাদা, কম্পনী অসিনা অসমগী কছার, মনিপুরগী ইম্ফাল অমসুং ত্রিপুরাগী মনুং হঞ্জিনবা মফম কয়াদা লৈবা ইমুং কয়াদা দ্রাই রাশন কিৎ ১,০৩০ য়েন্থোকখি। হ্যুমেনিতরিয়নগী খোঙথাংশিং অসি নোর্থ ইস্ত সেন্তর ফোর ইক্বিতী এক্সন ওন ইন্তিগ্রেতেদ দিবেলপমেন্ত (এন.ই.এ.আই.দি.) গা খুৎশম্নদুনা পাংথোকখি। ইন্দস তাৱর্সকী এমপ্লোয়ীশিংনা মফম অদুদা এক্তিব ওইনা শরুক য়াখি, য়েন্থোকপদা তেংবাং পীখি অমসুং শোকহল্লবা ইমুংশিংদা মতেং পাংখি, কম্পনীগী ইথোস ওফ কোমপাসন অমসুং কম্ম্যুনিতী রেসিলিয়েন্সবু মপাঙ্গল কনখৎহনখি।

“ইন্দস তাৱর্স লিমিতেদকী সর্কলগী সি.ই.ও. শ্রী রাজেন্দর সিংহ গুরুংনা হায়খি, “ইন্দস তাৱর্সতা ঐখোয়না ঈচাউনা শোকহল্লবা ইমুংশিংদা মতম চানা অমসুং কান্নবা মতেং পীনবা অচেৎপা ফিরেপ লৈ”। “ঐখোয়গী ইন্দস এমপ্লোয়ীশিংনা হ্যুমেনিতরিয়ন কোস অসিগীদমক্তা থৱায় য়াওনা ভোলুন্তিয়র ওইরি অমসুং তঙাই ফদবা চিঞ্জাক্কী মথৌ তাবশিং ফংহল্লি অমসুং ইমুংশিংবু মখোয়গী রিকোভরীগী লম্বীদা মতেং পাংলি।”

এন.ই.এ.আই.দি.গী কো-ফাউন্দর শ্রী মেরাজ অহমেদনা হায়খি, “শাথিরবা ঈশিং-ঈচাউনা মরম ওইদুনা ইমুং লিশিং কয়া অমা অৱাবা কয়া মায়োক্নদুনা তঙাই ফদবশিং ফংবা ঙমদনা লৈরি। ইন্দস তাৱর্সকী মতেংগা লোয়ননা, ঐখোয়না খ্বাইদগী খুদোংচাদবা মফমশিংগীদমক লেপ্পী, মথৌ তরকপা মতমদা মতেং ফংহল্লি অমসুং মখোয়গী রিকোভরী অমসুং লোং-তর্ম রেজিলিয়েন্সতা মতেং পাংনবা লেপ্পী”।

মসিগী চুংশিন্নবা অসিনা ইন্দস তাৱর্সকী কম্ম্যুনিতী রেসিলিয়েন্স, দিজাস্তর রেস্পোন্স, অমসুং ভারতকী খ্বাইদগী লায়রবা লমদমশিংদা সস্তেনেবল দিবেলপমেন্তগীদমক লেপ্তনা হোৎনরিবা অদু উৎলি। সি.এস.আর.গী খোঙথাংশিংগী খুত্থাংদা, কম্পনী অসিনা অচৌবা অহোংবশিং পুরক্নবা লেপ্তনা হোৎনরি, মীয়ামবু অৱাবা মায়োক্নবদা অমুক হন্না শেমগৎনবা অমসুং চাউখৎনবা শক্তি পীরি।