মনিপুর ষ্টেট অসীদা পূন্না য়েলহৌঙৈদগী হিংমিন্নদুনা লাক্লবা তোঙান- তোঙানবা ফূরূপশিংগী মরক্তা তৎন-থানবা য়াদ্রবা নুংশিনবগী মরী হেন্না চেৎশীন্ননবা হোৎনমিন্নগনি, নুংশি-চান্ননা লৈমিন্নগনি, মনিপুরগী অপূনবা শক্তম কন্নবা থৱায় ফাওবা থাদোকপদা পাম্মুবা লৈরোই হায়দুনা মীয়াম পূন্না ৱাশকমিন্নখ্রে।
পিচ কম্মিটি কংলৈপাক্না মপূঙ ওইবা থৌদাং লৌদুনা ইম্ফালগী কংলা উত্রা মমাঙদা ৱাশকখিবা থৌরমদুদা লমদমসিগী মৈরা পায়বী লূপশিং, সিভিল সোসাইটি ওরগনাইজেসনশিং, লৈশাবীশিংগী লূপশিং শরুক য়াখি। পিচ কম্মিটি কংলৈপাক্কি চিফ এদভাইজর আর কে মেঘেন্না লুচিংদুনা ৱাশক চেরোল পাথোকখি।
মাম্পিল, মাচাক, ফুবালা অপূনবা মৈরা পায়বী লূপ, সাইটোন মৈরা পায়বী লূপ, থৌবাল মৈরা পায়বী লূপনচিংবা কয়াসু শরুক য়াখি। মনিপুরগী অপূনবা শক্তম কৈদৌনুংদা কায়হনবা য়ারোই, পূন্না লমদমসিদা খুন্দামিন্নরিবা ফূরূপশিংগী মরক্তা তৎন- থানবা য়াররোইদবা নুংশিনবগী মরী হেন্না চেৎশীন্ননবা হোৎনমিন্নগনি হায়না পূন্না ৱাশক লৌমিন্নখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি