গ্ৰেটর নোইদাগী ইন্দিয়া এক্সপো সেন্টর এন্দ মার্ট তা ঙসীদগী হৌরগা থা অসীগী ১০ ফাওবা পাঙথোক্কদবা ইন্দস ফুদ,২০২৬ তা শরূক য়ারুনবগীদমক মনিপুরগী ওন্ট্রপ্রিনিয়র অনী ঙরাং ইম্ফাল থাদোকখ্রে।
চিরারেল ওর্গানিক প্রদ্যুসর কম্পেনি লিমিটেদ,ইম্ফাল ইষ্টকি চ্যেরমেন য়ূম্নাম বিমোলচন্দ্র অমসুং ওরিয়েন্টেল ওর্গানিক প্রদ্যুসর কম্পেনি লিমিতেদ উখ্রূলগী চেয়রমেন লৈয়াৱোন লুংলেনসু এক্সপো অসীদা শরূক য়ারুনবা ইম্ফাল থাদোকখ্রে।
জি আই টেগ ফংবতা নত্তনা প্রাইম মিনিষ্টর নরেন্দ্র মোদিনা সুপরফুদনি হায়দুনা লাউথোকখ্রবা মনিপুরগী চাকহাও পোইরৈতোনগী চীঞ্জাকশিং বিমোলচন্দ্রনা ঊৎকদৌরি। অমরোমদা, জি আই টেগ ফংখ্রবা সিরারাখোংগী হাথৈ হায়না খঙনরিবা মোরোক মখল অসীনা লৈয়াৱোন লুংলেননা ঊৎলুগনি হায়রি।