চহী অসীগী জুলাই ১০ দগী ২০ ফাওবা আষ্ট্রেলিয়াগী সন্সাইন কোষ্ট, ক্বিন্সলেন্দ দা মালেমগী থাক্তা পাঙথোকখিবা ৬৬ শুবা ইন্টর্নেস্নেল মেথমেটিকেল ওলেম্পিয়াদ, ২০২৫ দা ইন্দিয়াগী টিম লুচিংখিবা প্রোফেসর সান্ত লাইশ্রম ঙরাং খাঙবোক কেন্দ্রগী এম এল এ সুর্জকুমার ওক্রম্না তরাম্না ওকখ্রে। ইম্ফালগী বাবুপারাদা লৈবা এম এল এ অসীগী ওফিসিয়েল রেসিদেন্সতা সান্তবু তরাম্না ওকখি।
মালেমগী লৈবাক ১২০ দগী লাকখিবা ওলেম্পিয়াদ টিমশিংনা শরুক য়াদুনা পাঙথোকখিবা ওলেম্পিয়াদ অদুদা প্রোফেসর সান্ত লাইশ্রমনা লুচিংবা ইন্দিয়াগী টিম অদুনা ওভরওল রেঙ্কিংদা ৭ শুবা মফম কনবা ঙম্লকখি হায়রি। ইন্দিয়ান ষ্টেটিষ্টিকেল ইন্সটিটিউট ন্যু দিল্লিদা লৈরিবা প্রোফেসর সান্ত লাইশ্রমনা লুচিংখিবা টিম অদূনা গোল্ড অহুম, সিলভর মেদল অনী, অদুগা ব্রোঞ্জ মেদল অমা ফংলকখি।
প্রোফেসর সান্ত লাইশ্রম অসী থৌবাল দিষ্ট্রিক্ট কি খাঙবোক কেন্দ্র মনূঙচন্না লৈরিবা মীশক অমা ওইবনা মহাক্না অসীগুম্বা মিংচৎ অমা ইন্দিয়াগী ওইনা পুরকপা ঙম্লকপা অসী খ্বায়দগী চাওথোকচবা পোকই হায়না এম এল এ সুর্জকুমার না ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে