টেকবী অর্লি কেরিয়র প্রোগ্রাম হৌদোক্কদৌরি

মালেমগী মকোক থোংবা তেক্নোলোজী কম্পনী অমা ওইরিবা HCLতেকনা মনিপুর হায় স্কুল গ্রেজুএৎশিংদা Techবী অর্লী কেরিয়র প্রোগ্রাম পীনবা অমসুং তেক্নোলোজী ইন্দস্ত্রীদা মখোয়গী কেরিয়র শেমগৎপগী খুদোংচাবা পীনবা থৌরাং তৌরি। Techবী অসি হায় স্কুল গ্রেজুএৎশিংগীদমক্তা শেমখিবা ত্রান্সফোর্মেতিব ইনিসিএতিব অমনি। মসিদা হেন্দস-ওন তেক্নোলোজী ত্রেনিংগা হায়র এজুকেসনগী এক্সেসকা পুনশিন্নবা তোপ-তোপ্পা “আর্ন ৱাইল য়ু লর্ন” মোদেল অমা পীরি। প্রোগ্রাম অসিনা মহৈরোইশিংদা ইন্দস্ত্রীগা মরী লৈনবা স্কিলশিং পীরি অমসুং মখোয়বু একাদমিক্কী লমদা খুমাং চাউশিনবা ঙমহন্দুনা তেক্নোলোজীদা গ্লোবেল কেরিয়রশিংগী য়ুম্ফম থোল্লি।

প্রোগ্রাম অসিনা জেনরেতিব AI অমসুং সাইবর সেক্যুরিতীদা অখন্নবা ত্রেকশিং হৌদোক্কনি, মসি প্রিমিয়র এজুকেস্নেল ইন্সতিত্যুসনশিংগা খুৎশম্নদুনা শেমগৎকনি। খোঙথাংশিং অসি ভারত শিনবা থুংনা অৱাংবা থাক্কী তেক্নোলোজী কেরিয়রশিং ফংহন্নবা শেমগৎপনি। Techবী গ্রেজুএৎশিংনা AI অমসুং ক্লাউদ কম্প্যুতিংগুম্বা এদভান্স এরিয়াশিংদা ইম্পেক্তিব ওইবা কন্ত্রিব্যুসনশিং হান্নদগী পীদুনা লাক্লি। মখোয়না HCLতেককী লাইবক ফবা ক্লাইন্ত ৫০০দা মতেং পাংলি। ত্রেনিংগী খোঙচৎকী অঙনবা শরুক্তা পীবা স্তাইপেন্দশিং অসিগা লোয়ননা, শরুক য়ারিবশিংনা থা খরগী মনুংদা মখোয়গী ইমুং মনুংবু শেল-থুমগী মতেং পাংবা হৌবা ঙম্লগনি।

“Techবী অসি স্কিলিং ইনিসিএতিবতগী হেন্না চাউই – মসিনা আশা লৈবা নহারোলশিংদা তেক্নোলোজীদা কেরিয়র অমা শেমগৎনবগী লোঞ্চপেদ অমা ওইরি,” হায়না HCLতেককী সেনিয়র ভাইস প্রসিদেন্ত, সুববারমন বি.না হায়খি। “BITS পিলানি, IIT গুৱাহাতি, শাস্ত্রা য়ুনিভর্সিতী, অমিতী য়ুনিভর্সিতী ওনলাইন, IIIT কোত্তয়ম অমসুং IIM সিরমৌরগুম্বা ইন্সতিত্যুসনশিংগা স্ত্রেতেজিক পার্তনরশিপশিংগা লোয়ননা ত্রেনিশিংবু লোকেল ওইনা হায়র একুকেসন তম্বগী খুদোংচাবা ফংহল্লি, মসিনা রিলোকেসনগী শেনফমশিংসু হন্থহল্লি অমসুং শেল-থুমদা মরোমদোম লেপচবা ঙমহল্লি”।

Techবী অসি ইনক্লুজনগীদমক মপাঙ্গল কনবা কেতালাইজর অমা ওইনা মখা তানা মথৌ তৌরি। ইন্দস্ত্রী বেঞ্চমার্কশিংদগী হেল্লবা ফার্স্ত-জেনরেসন লর্নরশিং অমসুং নুপীশিং য়াওনা, মসিনা তোঙান-তোঙানবা কাংলুপদগী পার্তিসিপেন্তশিংগী পুক্নিং চিংশিল্লি। প্রোগ্রাম অসি রাজ্য সরকারগী খোঙথাংশিংগা চুশিন্নৈ অমসুং ভারতকী নেস্নেল এজুকেসন পোলিসী (NEP) ২০২০গী ভিজনদা মতেং পাংশিল্লি।

HCLতেককী Techবী প্রোগ্রামগী মরমদা অহেনবা ই-পাউগীদমক মসিদা চংবীয়ু: hcltechbee.com