ইন্দিয়া লৈঙাক্না মনিপুর থুগাইনবা, মচেৎ তানা মাঙহন্ননবা হোৎনরক্লি। ওইরক্লিবা ফিভম অসীদা মনিপুরদা লৈমিন্নরিবা কাঙলূপ- ফূরুপশিংনা মতেং পাংশিল্লোইদবনি হায়না য়ুনাইটেদ কম্মিটি মনিপুর (য়ু সি এম) গী প্রসিদেন্ট ৱাই কে ধিরেননা ফোঙদোকখ্রে। ইম্ফালগী লম্ফেল সুপর মার্কেট তা লৈবা তান্থা পেলেস হোলদা ঙরাং য়ু সি এমগী ২৫ শুবা মপোক কুম্মোন থৌরম পাঙথোকখিবগা লোয়ননা থৌরমদুদা ৱা ঙাঙবদা ধিরেন্না ৱাফম অসী ফোঙদোকখিবনি।
কুমশিং ২০০১ গী জূন ১৮ দা মনিপুরগী অপূনবা শক্তম কৈদৌনুংদা কায়হনবা য়ারোই হায়বা ঈহৌদা সেক্যুরিটি ফোর্স কি নোংমৈ গুলীনা পানবদগী থৱায় কৎখ্রবা অথৌবশিং অমসুং হৌজিক কুকি মিলিটেন্টশিংনা মৈতৈ ফূরূপতা লান্দারকপদগী লৈখিদ্রবশিং অদুগী মফমদা ঈকায়খুম্নবা ঊত্তুনা থৌরমদুদা শরুক য়াখিবা মীয়াম্না মিনিট অনী তূমিন্না লেপখি। ইন্দিয়ানা মনিপুরবু মচেৎ তানা থুগাইনবা মতম পূম্নমক্তা লাল্লোং কয়ামরুম চত্থদুনা লাক্লি।
অসুম্না কাঙলূপশিংগী মরক্তা অমগা অমগা খৎননবা, ঐখোয় মশেল হাৎনা-শুননবা শীঙচেপ থারক্লিবা অসীদা মনিপুরদা লৈমিন্নরিবা ফূরূপশিংনা মতেং পাংশিন্ননবা হোৎনরোইদবনি হায়না য়ু সি এমগী প্রসিদেন্ট ৱাই কে ধিরেন্না ফোঙদোকখি। থৌরমদুদা য়ু পি এফকি প্রসিদেন্ট নোংথোম্বম রুপচন্দ্র, ইপসাগী প্রসিদেন্ট মাইবম বিশেশ্বর, নিপকোগী প্রসিদেন্ট ওইনাম প্রেমজিৎ, পান্দমগী প্রসিদেন্ট য়ুম্নামচা দিলিপকুমার নচিংবা কয়াসু শরুক য়াদুনা ৱা ঙাঙখি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে