হৌজিক মীয়াম্না ইম্ফাল অমসুং মসীগী অকোয়বা মফমশিংদা গারী খাম্ফম লৈতবগী অৱাবা,খুদোংচাদবা কয়ামরুম মায়োক্নরগা লাক্লি।মতম খরগী মতূঙদদি অসীগুম্বা মীয়াম্না মায়োক্নরিবা খুদোংচাদবশিং অসী কোকহনবা ঙম্লগনি। হৌজিক ইম্ফালগী নাগামপাল চূঙখাম লৈরক্তা মেকানাইজ রোটরি পার্কিং সিষ্টেম অমা শেমগৎপগী থবক-থৌরম অয়াম্বা লোইশিল্লক্কদৌরে হায়না ইম্ফাল স্মার্ট সিটি লিমিটেদকি চিফ এগজিক্যুটিব ওফিসার টি ঐচ হরিকুমারনা ফোঙদোকখ্রে। হৌজিক শেমগৎলিবা মেকানাইজ রোটরি পার্কিং ফেসিলিতী অসিদা চক্কা মরী পানবা অমদি চক্কা অনী পানবা পূন্না গারি ১১৪ মতম অমত্তদা খাম্বা য়ারগনি।
মসীগীসু মথক্তা খ্বাইরম্বন্দ কৈথেলদা লৈরিবা ঈমা কৈথেল অহূমগী মখাদসু অমূক্তদা গারী ৬৬০ হেন্না খামদুনা থম্বা য়াগদবা মফমশিং শেমগৎপা লোইশিল্লক্লে হায়খি। ইম্ফালদা হৌজিক শেমগৎলিবা মেকানাইজ রোটরি পার্কিং সিষ্টেম অসীনা লৈবাক অসীগী ওইনদি অনীশুবা ওইরগনি।অসীগুম্বা মখলগী মেকানাইজ রোটরি পার্কিং সিষ্টেম অমা অহানবা ওইনা ইন্দোরদা লৈখ্রবনি।ইম্ফালগী ওইনা খ্বাইদগী মী চিনবা অমদি গারী খাম্ফম লৈতবগী অৱাবা কা হেন্না মায়োক্নরিবা নাগামপালদা শেমগৎলিবা পার্কিং সিষ্টেম অসী লোইরক্লবা মতমদদি গারী অমসুং মী চত্থোক চৎশিন তৌবদা থোইনা অৱাবা লৈররোই।
মসীদা ফোর হ্বিল্লর গারীশিংগী ওইনা মেকানাইজ য়ুনিট অহুম লৈগনি।য়ুনিট অমমমদা কার ১৪ খাম্বা য়ারগনি। টু হ্বিল্লর গারীশিংগী ওইনা মেকানাইজ য়ুনিট অমা লৈগনি।মসিদনা গারী মচা ৭২ থম্বা য়ার
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা