মনিপুরগী তোমথিন ওইনা লৈজরিবা আর্ট এন্দ কলচর অসীনা মালেমগী মীয়ামদা লমদম অসীবু মশক তাক্লি। আর্ট এন্দ কলচর অসী হেন্না চাওখৎহন্ননবা পান্দমদা ষ্টেট লৈঙাক্না হৌজিক ইম্ফাল ইষ্ট দিষ্ট্রিক্টকি ৱাখা দা শাগৎলিবা মনিপুর য়ুনিভর্সিতি ওফ কলচর (এম য়ূ সী) অসী লাক্লিবা আগষ্ট থা অসীগী মনূঙদা লোইশিন্দুনা শঙ্গাননবা থৌরাং তৌরম্লবসু থবক লোইশিনবদি লৈত্রি, শঙ্গাবা ঙম্লোইদৌরি হায়রি।
প্রোজেক্ট অসী একর ১১৮ দা লূপা ক্রোর ৩১.১৮ চঙনা শাগৎখিবনি। লম্বী -থোংগী ফীভম ফত্তবা, নোংজুথাগী মতম ওইবা, লো এন্দ ওর্দরগী ফীভম ফত্তবা অমদি বন্দ-ব্লোকেদকি মশীঙ য়াম্বা ষ্টেট অমা ওইবা, হায়রিবা ফীভমশিং অসিনা মরম ওইদুনা হৌজিক শেমগৎ-শাগৎলিবা য়ুনিভর্সিটি অসী খূমাঙ চাওশীন্না চঙশীনবা ঙমদ্রি। মনিপুর মাইনোরিটি এন্দ ও বি সি ইকোনোমিক দেভলপমেন্ট সোসাইটিনা এজেন্সি ওইদুনা শাগৎলিবা এম য়ূ সীগী বিল্ডিং অসী মমাঙ চহী ২০২৫ গী ফেব্রূয়ারি ১২ দগী শাগৎপা হৌরকপনি। চৎলিবা চহি ২০২৬ কি আগষ্ট ১১ ফাওবদা লোইশিন্নবা পান্দম থম্লকখিবনি।
অদূম ওইনমক হৌজিক ফাওবদা মসীগী চাদা ৮৫ রোমদমক মপূঙ ফানা লোইশিনবা ঙম্লি। লেমহৌরিবা শরূকশিং অসী লোইশিনবদা য়ামদ্রবদা থা মরি-মঙা চঙবা য়াই হায়না পানরি। হৌজিক ফাওবদা ইন্দিয়া পূম্বদা লৈরিবা কলচরেল য়ুনিভর্সিটি অসী শুপ্নগী অহুমখক্তনি।ওরিষ্যা অমসুং আসামদা হাংদোকখ্রবা মতূঙদা মনিপুরদা হাংদোকখিবনি।
You may also like
-
কে মেঘচন্দ্রগী য়ূমদা বোম পোকখায়হল্লম্ববু য়ানিংদবা ফোঙদোক্তুনা খোঙজঙ চঙশীনখ্রে
-
শ্রি শ্রি গোবিন্দজিউগী মপোক নুমিৎ ফোঙখ্রে
-
বেজ ইয়র য়াওদনা এন আর সি অপদেট তৌবা য়ারোই: জে এফ দি
-
টাটা কন্সল্টেন্সি সার্বিসেসনা টি সি এস রুরেল আই টি ক্বিজগী ২৭ শুবা এদিসন লোঞ্চ তৌখ্রে
-
বন্দ তৌবা, লম্বী থিংবা, পোৎ-চৈ মাঙহনবশিংগী মথক্তা অকনবা এক্সন লৌখৎকদৌরি