ঈরমদম কনবা অপূনবা লূপ (ইকল) লিংখৎখিবগী চহী ১৩ শুরকপা মপোক কুমওন থৌরম ঙরাং ইম্ফাল ইষ্ট দিষ্ট্রিক্টকি সোয়বম লৈকায় অয়াঙপল্লি য়ূথ ক্লবকি কম্যুনিটি হোলদা চীঙ লেম্না পাঙথোকখ্রে।
পূন্সীল্লসি ঐখোয় হয়েংগীদমক হায়বা থিমদা পাঙথোকখিবা থৌরম অদুদা শজীবু খুদোল তম্বা য়াওনা অঙাঙ মঙাদগী তাথদনা পোকপা মমা ওইবীশিংদা অচম্বা খূদোলপোৎ পীদূনা পূক্নীঙ থৌগৎপা অমসুং ঈকায় খুম্নবা ঊৎখি।লূপ অসীনা লীশাঙ শীৎনা শজীবু খুদোল তম্বা, ঈগী খোঙ্গূল লীবগী থৌরমশিং চত্থদুনা লাক্লি।লমদম অসীগী শক্তম অমদি মীয়ামগীদমক থৱায়না পোন্থা পীখ্রবা অথৌবা-অথৌবীশিংদা ঈকায়খুম্নবা উৎতুনা মীয়াম্না মিনিট অনী তূমিন্না লেপখি।
থৌরমদুদা ইকলগী প্রসিদেন্ট নাউরেম মেম্মা,এদভাইজর অধিকারিময়ূম রিদিবালা,লিপুলগী এদভাইজর পূয়াম জয়, লূপ অসীগী প্রসিদেন্ট থোকচোম সোমোরেন্দ্র,এইম্সকি প্রসিদেন্ট লোংজম থোংলেল, ষ্টেট বিষ্ণুপ্রিয়া মনিপুর মহাসভা বরাক ভেল্লি খিলোঞ্জাগী জেনরেল সেক্রেটরি পূখ্রম্বম জিসুনু সিংহনচিংবা মীওইশিং শরূক য়াখি।
You may also like
-
এম পি বিমোলনা অসামদা কংগ্ৰেস মীরেপকি ভোৎ খোমখ্রে
-
ফীফা মেন্স ৱার্ল্ড কপ জূন ১১ দগী হৌরগনি
-
থা লৈবাক্তা থিজিল্লুনবা নাসাগী আর্টিমিস-টু খোঙশানখ্রে
-
প্লেন তোংলিঙৈদা অনাবা মায়োক্নরকপা মীওই অমা দাক্তর লোনি লিরিনা না পুন্সি কনখ্রে
-
পোলিটিসিয়ানশিংনা লমদম অমগী মশক তাকপা ঙমদে,স্পোর্টস, কলচরেল এক্টিভিষ্টশিংনদি ঙম্মি: মিনিষ্টর