হৌখিবা কুমশিং ২০২৩ গী মে থাদগী ঙসিফাওবদা চহী অনী হেল্লক্লবা, কুকি-জো কাঙলূপকি মিলিটেন্টশিংনা চত্থরক্লিবা হীঙশাগী ঈরাং অসীগী ৱারোয়শিন অমত্তা সেন্তর অমসুং ষ্টেট লৈঙাকশিংনা লৌখৎপা তৌদ্রি। ইন্দিয়া লৈঙাক্না হীঙশাগী ঈরাং অসীগী ৱারোয়শিন পুরক্কে, মনিপুর অমসুং ইন্দিয়াদা তঙদূ-লৈতাবা মহৌশাগী শক্তম অদূ পুরক্কে খল্লবদি নোংমদগী হেন্না মতম লৌনিঙায় ওইদবা মনিপুরগী ঈরাং অসীগী ৱারোয়শিন পুরক্কে হায়বা ফিরেপ অমত্তা লৌদবা অসী মনিপুর মচেৎ তানা থুগাইরগা মীয়াম অসীগী মপাঙ্গল শোন্থহল্লগা, মতীঙ ফূদোকপা ঙমদ্রবা মতমদা মখোয়না শান্ননিংবা মওংদা প্রোক্সি ৱার চত্থরবা তুংদা মনিপুরগী য়েলহৌমীশিং অসী অমূক হন্না হৌগৎ-কাঙখৎপা ঙমহন্দনবা চত্থরকপা, নীঙথীনা প্লান তৌরবা প্রোক্সি ৱার অমনি হায়না মীয়াম্না ফোঙদোক্নবা লৈরি।
চৈরকশিদা মশা-মশাগী য়ূম-কৈ, লন-থুম ঈরাং অসীদা মৈ থাদোকপিখিবদগী লাঞ্জেন্নরগা মনিপুরগী তোঙান- তোঙানবা মফমশিংদা হাংবা টেম্পোরেরি সেল্টরশিং অমসুং রিলিফ কেম্পশিংদা চঙজফম লৌদুনা লৈরিবা ইন্টরনেল্লি দিসপ্লেস পার্সন (আই দি পি) শিংদা লন্নাই মীওইশিং অমসুং লূপ কয়ানা তেঙবাংগী পোৎলমশিং লেপ্তনা পীনরি।
মশীগী শরুক অমা ওইনা ঙরাংসু বিষ্ণুপুর দিষ্ট্রিক্টকি মনূঙচন্না লৈরিবা সুনুসিফাইদা হাংবা রিলিফ কেম্পতা চত্তুনা, মৈত্রবাক মশাইকোল ফেসবুক পেজগী এদমিন ওইনা লৈরিবা ইরেংবম ন্যুটন মৈতৈনা লুচিংবা মীহুৎ কাঙবূ অমনা মফমদুগী আই দি পিশিংদা গ্যাস ষ্টোভ ১০ খূৎশিন্নখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে