সেনাপটি দিষ্ট্রিক্টতা হৌজিক পাঙথোক্লিবা ফ্লাৱর ফেষ্টিবেল অমগী পাউ লৌনবগীদমক লাকখিবা হোর্নবিল টিভি গী রিপোর্টর অমা শকখঙদবশিংনা নোংমৈনা কাপ্লম্লে। সেনাপটি দিষ্ট্রিক্ট কি লাই ভিল্লেজদা রিপোর্টর অদূ মশাগী শেগ্ৰাক অমসুং মখোঙদা নোংমৈ মরূ অমমম কাপশীল্লমখিবনি হায়রি।
মহাকপু মীয়াম্না মনাক নকপা হোস্পিটালদা পুখৎলগা লায়কন্নখি। হৌজিক মহাক্কি ফিভম খরা লুনা লৈরি হায়রি। থৌদোক অসীবু য়ানীংদবা ফোঙদোক্তুনা মফম অদূগী মীয়াম্না হৌরক্তুনা নোংমৈ কাপ্লম্বা থৌদোক অদুদা চেন্নবনি হায়বা মীওই অমা মীয়াম্না ফারবা মতূঙদা পুলিসতা শিন্নখ্রে। মীওই অদূগী মথক্তা থিজিনবগী অকনবা থবক চত্থবা হৌখ্রে।
চেন্নবা অতৈসু ফাগৎনবা হোৎনরি হায়রি। অহীঙ নুংথিল নাইদনা খুদোংথিবা কয়াগী মরক্তা মীয়ামদা অচূম্বা-অশেংবা পাউ পীনবগীদমক থৱায় খূবাক্তা হাপ্তুনা থবক তৌরিবা পাউমীশিংদা অসীগুম্বা মখলগী এত্তেক চত্থবগী থৌওংসি খ্বায়দগী অকনবা মওংদা কন্দেম তৌই হায়না হোর্নবিল টিভি গী এদিটরগী চেরোল অমদা ফোঙদোরক্লি।
