মনিপুরদা চিন-কুকি নার্কো টেরোরিষ্ট শিংনা চত্থরক্লিবা থা ১৫ হেল্লক্লবা লান অসী লোইশিন্ননবা ইন্দিয়া লৈঙাক্না ঙসীফাওবদা ওইথোকপা য়াবা খোঙথাঙ অমত্তা লৌখৎলকপা লৈত্রি। নাকল অমরোমদা, হৌজিক মনিপুরদা মায়োক্নরক্লিবা অকনবা লান অসী মপান লৈবাক্তগী চঙশীল্লকপা ইল্লিগেল আর্ম মিলিটেন্ট শিংনা থোকহনবনি হায়না সেন্টর লৈঙাক্নসু ফোঙদোকখিবা লৈখ্রবনি।
মরম অসীনা মনিপুরদা খুন্দামিন্নরিবা ঐখোয় কাঙলূপ-ফূরূপ খূদীংমক্না অমত্তা ওইনা পূন্সিন্দুনা মপান্দগী লমদমসিদা চঙশীল্লক্তুনা লান্দারক্লিবা খূৎলায় পায়বা মিলিটেন্ট শিং অসী তকথোক্ননবা পূন্না থবক পায়খৎমিন্নবগী মতমদু য়ৌরে হায়না য়ুনাইটেদ কম্মিটি মনিপুর (য়ু সি এম) গী প্রসিদেন্ট ৱাই কে ধিরেন্না ফোঙদোকখ্রে। ঙরাং ইম্ফালগী কেক্রুপাত্তা লৈবা অথৌবশিংগী খুভমদা লাংবন হৈথা তমদূনা অমসুং হৈকৎ লৈকৎ তমদুনা লৈখিদ্রবা অথৌবশিংদা ঈকায় খুম্নবা ঊৎখিবা থৌরমদা মহাক্না ৱাফম অসী ফোঙদোকখিবনি।
ইন্দিয়া লৈঙাক্না ঙসীফাওবদা মনিপুরদা থোক্লিবা, কুকি- মিলিটেন্ট শিংনা চত্থরক্লিবা লান অসী মপান্দগী লোন্না চঙশীল্লকখিবা ইম্মিগ্ৰেন্ট শিংনা থোকহনবনি হায়না ফোঙদোকখ্রবসু ঙসীফাওবা লাকশীন্ননবা থবক অমত্তা লৌখৎলক্ট্রবা মরমনা ঐখোয় য়েলহৌমীশিং পূন্সিন্নদুনা মিলিটেন্টশিং অসী তকথোকপগী তঙায়ফদবা লৈরে হায়না মহাক্না ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে