নোনে দিষ্ট্রিক্ট হেদক্বার্তর্স দগী শূপ্নগী কিলোমিটর ১৫ রোমদমক লাপ্না লৈরিবা, ইনপুই ফূরূপকি য়ূমথোঙ ২০০ রোম খুন্দারিবা হাওচোং দা লৈবা প্রাইমারি হেল্থ সেন্টর (পি ঐচ সি) গী ফীভম হীরম খূদীংদা ফৎলমদবা থেংনরে হায়না পুয়াগী মেম্বরশিংনা ফোঙদোরক্লি।পুয়া অমসুং এফ এন সি সিগী টিম্না হৌখিবা নুমিৎ খরনিগী মমাঙদগী মনিপুরগী চীঙ অমসুং তম অনীমক্তা লৈরিবা তোঙান তোঙানবা হেল্থ ফেসিলিটিশিং – কম্যুনিটি হেল্থ সেন্টরশিং, পি ঐচ এস সি, পি ঐচ সি, অসিনচিংবদা কোয়না চত্তুনা শ য়েংশিল্লিবনি।
প্রাইমারি হেল্থ সেন্টর অসিদা রেগুলর দাক্তর অমা, কন্ট্রেক্ট তা থবক তৌবা দাক্তর অনিগা লৈরবসু চাং নাইনা মথৌ তৌবগী মওং অমত্তা উবা ফংদে। ঈ টেষ্ট তৌননবা ফেসিলিটি অমত্তা লৈতবগী মথক্তা অলত্রাসাউন্দ, ই সি জি গী মেচিন্নরি অমত্তা লৈতে। অনাবা মীওইশিংদা লশিংফাওবা লেম্না পীবা ঙমদবদগী মশা-মশানা মেনেজ তৌহল্লি হায়বা খঙবা ঙম্লকখি হায়না পুয়ানা ফোঙদোরক্লি।
হেল্থ সেন্টর অসিদা এম্বুলেন্স অনী লৈরি অদুবু দ্রাইভরদি অমখক লৈরি। মহাককি খূৎশুমলদি পীবীরক্তবা চহী অমা হেল্লক্লে হায়রি। হাওচোং অমসুং অৱাং খুলগী মীওই লীশীং ১০ রোমগী অনা -লায়েঙশঙ অসিগী হৌজিক ওইরিবা ফীভম অসী য়াম্না পূক্নীং নুংশিনিঙায় ওইরি। লৈঙাক্কি মরী লৈনবশিংনা অথূবা মতমদা মীৎয়েং চঙবীদুনা অৱাৎ-অপা শিং অসী মেন্সিনবিয়ু হায়রি।
You may also like
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে
-
মীতোপ্না শুরিবা থবকশিং ঐখোয়না মহুৎ শিল্লবা মতমদা চাওখৎপা -নুঙাইবা পুরক্কদবনি: মশেল
-
ইম্ফাল ইষ্টকি ৱাখা দা শারিবা এম য়ূ সী আগষ্ট থা মনূঙদা লোইশিনবা ঙম্লোইদৌরি
-
কে সি পি (পিদব্লিয়ুজি) গী চ্যেরমেন য়াওনা কেদর ৪৬ সরেন্দর তৌরকখ্রে
-
জুলাই ২৯ ফাওবগী মনূঙদা অফবা, থক্নবা ঈশীঙ ফংহন্দ্রবদি অকনবা খোঙজঙ চঙশীল্লগনি: লূপশিং