হন্দক প্রাইম মিনিষ্টর নরেন্দ্র মোদিনা থা অসীগী ১৩ দা ইম্ফাল অমসুং চুরাচান্দপুরদা লাক্লমখিবা নুমিত্তুগী মমাঙদগী হৌনা ষ্টেট অসীদা কা হেন্না অকনবা মওংদা লেপ্পা লৈতনা হৈথরকখিবা নোং অদূনা মরম ওইরগা মনিপুর তম্পাক্কি মফম অয়াম্বদা লৈরিবা লৌবূকশিংদা হৌরিবা, লংচাক হাল্লবা অমসুং ফৌ মপোম লাক্লবা লৌফম পরী লীশিং কয়ামরুম ঈশীং থূমজীনখিবদগী হৌজিক ঈশীং খরা হন্থরকখ্রবা মতূঙদসু ফৌ পাম্বীশিং শিরুম-নারুম তৌদুনা লৈরি। ঈশীং থূমজীনখিবদগী হৌজিক ফৌ লোকপা য়াররোইদবা ফীভম লৈবনা মনিপুরদা চাক তাঙবগী ফীভম অমা মায়োক্নরকপা য়ারি লোয়ননা ঙাগী ফার্ম কয়াসু পাথোকখ্রবা মরম্না হন্দক্কি নিঙোল চাক্কৌবদা ঙাগী পোত্থোক শাথীনা হন্থরগনি হায়না পানরি।
চৈরকশিদা, হন্দক্কি ঈচাওদা মীওই অনী ঈশীংনা চেন্থখিবগী মনূঙদা ইম্ফাল নোংচূপ পানাগী মনূঙচন্না লৈরিবা ময়াঙ ইম্ফাল চিরাইদগী ৱাহেংবম গৌরহরি কৌবা অহল অমদি পাৎ মপান্দগী অশীবা হকচাং ওইনা মীয়াম্না লৌখৎপা ঙমখ্রে। মহাক চৎলিবা থা অসীগী ১৮ দা ঈশীং ঈচাও মরক্তা পাত্তা লাং থাক্কনি হায়দুনা য়ূমদগী থোকখিবদগী থিবা ফংদনা লাকখ্রবা মতূঙদা ঙরাং অশীবা হকচাং ওইনা ফংখিবনি।
মনিপুরগী শক্নায়রবা ঈশীং মাইবা হায়রগা খঙনরবা মোহম্মদ আশদুল্লাহ না মহাক্কি অশীবা হকচাং অদূ ফংলকখিবনি। ইম্ফাল ইষ্ট দিষ্ট্রিক্টকি খেত্রি অৱাং-লৈকায়দগী মোহম্মদ রমজান আলি (৭০) কৌবা অহল অমা হৌখিবা সেপ্তেম্বর ১৫ দা ঈরীল তুরেলগী অকনবা ঈশীং ইরৈনা চেন্থখিবা অদূগী হকচাংদি হৌজিক ফাওবা থিবা খঙদনা লৈরি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে