মনিপুরগী গভর্নর অজয় কুমার ভাল্লানা চৎলিবা মে থা অসীগী মঙাদা মরী লৈনবা অৱাংবা থাক্কি ওফিসিয়েলশিংগা ইম্ফালগী রাজ ভবন্দা মীফম অমা পাঙথোক্তুনা হৌজিক নেস্নেল হায়ৱেশিং শেমগৎ-শাগৎপগা মরী লৈননা পায়খৎলিবা প্রোজেক্ট শিং রিভ্যু তৌখ্রে। রিভ্যু মিটীং অদুদা নেস্নেল হায়ৱেজ এন্দ ইনফ্রাষ্ট্রকচর দেভলপমেন্ট কোরপোরেসন লিমিটেদ কি এগজিক্যুটিব দিরেক্তর এম এস দেবালনা মনিপুরগী মফম কয়াদা নেস্নেল হায়ৱে পরীংদা পায়খৎলক্লিবা থবক-থৌরমশিংগী প্রোগ্ৰেসকা মরী লৈননা অকূপ্পা ৱারোলশিং গভর্নরদা পাউদমখি।
প্রোজেক্টশিং থবক ওইনা পায়খৎলকপগী লম্বীদা হৌজিক থেংনরিবা শীঙনবশিংগী মতাঙদসু মহাক্না পনখি। অসীগুম্বা শীঙনবা কয়া অসী থেংনদুনা লাকশীন্ননবা লৌখৎফম থোকপা থৌরাংশিং খূদক্তা লৌখৎনবা গভর্নরনা মরী লৈনবা অথোরিটি খূদীঙমক্তা অকনবা ইন্সট্রক্সন পীখি। প্রোজেক্ট শিং অসী মতম চানা, হান্না থমখিবা মতমগী মনূঙদা মপূঙফানা লোইশিন্নবসু খঙহনখি।
ষ্টেট লৈঙাক্কি প্রিন্সিপাল সেক্রেটরি (ৱার্কস), কম্মিস্নার (হোম), সেক্রেটরি (লেন্দ রিছোর্স), পি দব্লিয়ু দিগী চিফ ইঞ্জিনিয়র, সি আর পি এফকি দি আই জি ( ওপস)নচিংবা মীফম অদূদা শরুক য়াখি। উখ্রুল, নোনে, তমেংলোং, সেনাপতি, কাংপোকপি, চুরাচান্দপুর, ফের্জোলগী দিপ্যুটি কম্মিস্নারশিংসু মীফমদুদা ভিদিও কনফরেন্সিংগী খূত্থাঙদা শরুক য়াখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে