থা অসীগী মাপনগী অয়ূক পুং ১১ রোম তারকপদা কমলবাবুগী জে এ সি অমসুং কমলবাবুগী লোয়নবী, ঈমূং-মনূংগী মীওইশিং য়াওনা গভর্নরগী বঙ্গলো মমাঙদা খোঙজঙ চঙশীন্দুনা কমলবাবুগী অশেংবা লংলা-লংজিন খঙহল্লু হায়বা খোল্লাউগা লোয়ননা খোঙজঙ চঙশীনগদৌরে হায়বা অকক্নবা পাউ অমা ফংবদগী মনিপুর পুলিশ না অকনবা চেকশীন থৌরাং লৌখৎখ্রে।
তাল্লক্তুদা কমলবাবুগী লোয়নবী অমসুং ঈমূং-মনূংগী মীওইশিং য়াওনা জে এ সিগী মশীং য়াম্লবা মীওইশিং কংলাগী অৱাংথংবা মায়কৈরোমদগী মখোঙনা লাকপা উবদগী পুলিসনা মখোয়বু মফম অদোমদা চঙহন্দনবা অথীংবা পীখি। পুলিস অমসুং জে এ সি অনীগী মরক্তা য়াম্না কন্না মূক্নরকখি। কমলবাবুগী লোয়নবিবু মনিপুর পুলিশকি নূপী টিম অমনা গারিদা তোংহল্লগা মফম অদুদগী পুথোকখি।
তাঞ্জাদুদা ঈমাগী মৈরা লূপকি লুচিংবী টি ঐচ সুজাটাসু মহাক্কি কাঙবূ অমগা লোয়ননা মফম অদূদা চঙশীল্লক্তুনা পুলিসকা মূক্নরিবা অদূদা শরূক য়াখি। কমলবাবুগী লোয়নবীনা গভর্নর উনজগে, মশাগী অনীংবা-অপাম্বা খরা ফোঙদোকচগে হায়বদা পুলিসনা অথিংবা পীফম থোক্তে হায়না সুজাটানা ফোঙদোকখি। মমৈথঙদা পুলিসকি অহেনবা টিম থোমজিল্লক্তুনা মীয়ামদু তকথোকখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর