মনিপুরবু ইন্দিয়ানা মখোয়গী খূবাম্নুংদা থম্লবা মতূঙ মপূঙফানা য়োৎশীনখিবা নুমিৎ ওক্তোবর ১৫ দা অমম্বা নুমিৎ হায়না মিংথোন্দুনা চহী খূদীংগী ওবজার্ব তৌদুনা লাকপগুম ঙরাং ওক্তোবর ১৫ দসু লমদমসিদা লৈরিবা আইন্না অথীংবা থমখ্রবা তোঙান-তোঙানবা য়াওল্লূপশিংনা তোঙান-তোঙানবা মমীং থোন্দুনা চত্থখিবা জেনরেল ষ্ট্রাইক নত্রগা টুটেল সটদাওন্না মনিপুর মীয়ামগী মহৌশাগী পুন্সিদা চাউনা চৈথেঙ পীখ্রে।
বন্দ গী শক্তম অদূগী মনূঙচন্না মনিপুর মীয়ামগী শেন্মিৎলোনগী ময়োল ওইরিবা ইম্ফালগী খ্বাইরম্বন্দ কৈথেল অমসুং মসীগী অকোয়বা মফমশিংদা খুন্তাক লান্সিবগা মান্নরবা শক্তম উবা ফংখি। কৈথেল, দুকান্নচিংবা অমত্তা থোঙ হাংনখিদে। মনিপুরগী দিষ্ট্রিক্ট অমগা অতোপ্পা দিষ্ট্রিক্ট অমগা শম্নরিবা নেস্নেল অমসুং ষ্টেট হায়ৱে শিংদা সার্বিস তৌবা পেসেঞ্জর গারিশিং অমদি অতৈ মখলগী গারি অমত্তা চেনখিদে। মহৈলোয়শঙ পূম্নমক থোঙ লোনখি অদুগা লৈঙাক্কি লোয়শঙশিংদসু এমপ্লোয়িশিং কানরকপগী চাং য়াম্না নেমখি।
তোঙান-তোঙানবা মফমশিংদা লৈরিবা কৈথেলশিংদসু কৈথেল ফম্বীশিং অমত্তা থোকনরকখিদ্রে। অমরোমদা, লন্নাই মীওইশিংগী গারি মচা অমসুং অচৌবা খরা-খরদি মশীং য়ামদবা চাংদা চেনবা উখি অদুগা জেনরেল ষ্ট্রাইক অদূদা পামদবা থৌদোকশিংগী পাউদি অমত্তা লৈখিদে। মনিপুর পুলিস অমসুং পেরা মিলিটরি ফোর্স কি পার্সনেলশিংনা ঙাক শেন্দুনা, লম্বীদা পামদবা থৌদোকশিং থোকহন্দনবা অকনবা থৌরাংশিং লৌখৎখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে