গাইনিকোলোজিগী মতাঙদা নোংমগী ওইবা লেম্না লায়েংবগী থৌরম অমা ঙরাং পাঙথোকখ্রে। জিরিবামদা লৈরিবা মল্টি য়ুটিলিটি কমপ্লেক্সতা লৈবা বিল্ডিংদা পাঙথোকখিবা লেম্না লায়েংবগী থৌরম অদুদা আসামগী ফ্যুলারতোলদা লৈবা নোবেল ক্যের হোস্পিটালগী মমীং লৈরবা দাক্তর সপ্তর্সি চক্রবোর্টিনা অনাবা নূপী ৩০ হেনবদা লেম্না লায়েংবগী থৌরম পাঙথোকখি।
দাক্তর সপ্তর্সি চক্রবোর্টি অসী এম বি বি এস, এম দি ( ও এন্দ জি) অমদি কন্সল্টেন্ট ওব্সটেট্রিসিয়ান এন্দ গাইনিকোলোজিষ্ট অমনি। থৌরম অদুদা নর্সিং হেল্থক্যের জিরিবামগী মীহূৎ ওইনা লৈরিবী ভিক্তোরিয়া লৈমনা হায়, নোংমগী ওইবা ফ্রী গাইনি মেদিকেল চেক- অপ অদূ লোইরবা মতূঙদা মমীং লৈরবা দাক্তর সপ্তর্সি চক্র বোর্টিনা হেল্থক্যের জিরিবামগী কমপ্লেক্সতা মশাগী ওইবা ও পি দি অমসুং নর্সিং হেল্থক্যের সেন্টর অমা হাংদোক্লে।
চয়োল অমগী মনূঙদা ইরাই নুমিৎ খূদিংগী হাংগদৌরিবা ও পি দি অসিদা জিরিবামগী মীয়াম্না লাক্তুনা লায়েংবগী খুদোংচাবা লৌবিয়ু হায়বা ৱাফম ফোঙদোকখি।