ফোক্স কি প্রসিদেন্ট টি ঐচ মনিহার ফম থাদোকখ্রে

ফেদরেসন ওফ সিভিল সোসাইটিজ ওরগনাইজেসন্স (ফোক্স) কি প্রসিদেন্ট টি ঐচ মনিহার শোয়খিবা অমখক্কিদমক মোরেল রেস্পোন্সিবিলিটি মশামক্না লৌজবগা লোয়ননা ফেদরেসন অসীগী প্রসিদেন্ট কি ফম অসী থাদোকচরে হায়না মশামক্না অইবা চেরোল অমগী খূত্থাঙদা মীয়ামদা লাউথোরকখ্রে। চৎলিবা মার্চ থা অসীগী নিপান্দা আইদিয়া ওফ মনিপুর হায়বা, লমদমশিদা পূন্না হিংমিন্নরিবা য়েলহৌমী কাঙলূপশিং পূন্সিন্নদুনা শান্তি লৈবা, চাওখৎলবা অমসুং নুংশি-চান্ননা লৈবা মনিপুর অমগী পাউজেল পুবা খোঙচৎ অমা শেকমাই এরিয়াদা পুলিস অমসুং অতৈ সেক্যুরিটি ফোর্স না অকনবা মওংদা অথীংবা পীরকখিবদু য়াম্না লাইবক থীবনি হায়বা ৱাফম অমসু মনিহারনা খূৎয়েক পীদূনা থাদোরকপা চেরোল অসিদা ফোঙদোরক্লি।

ইম্ফালদগী সেনাপটি ফাওবা য়ৌনা চৎকদবা শান্তিগী পাউজেল পুবা খোঙচৎ অদূ ঈরাং মায়োক্নরকপা য়াই হায়বগী চিংনবা চাউনা লৈবদগী সেক্যুরিটিগী চেকশীন থৌরাং লৌখৎখিবগা লোয়ননা অথীংবা থম্লকপদগী পন্থুংফম য়ৌদনা হল্লকখি। মতৌ অসূম্না ফোক্সকি থৌমীশিং য়াম্না নীঙবা কায়বগী খোয়রাঙ-খোয়শাওনরিঙৈ চৈরক্তা কনাগুম্বা মীওইশিংনা সোসিয়েল মেদিয়াদা, মনিপুর অসী মৈতৈ অমসুং নাগাশিংখক্তগী লম অমনি হায়না ফোঙদোক্নরকপবু লমদমসিদা লৈরিবা মরুওইবা য়েলহৌমী অমা ওইরিবা মীতৈ-পাঙল ঈচীল- ঈনাওশিংনা রিয়েক্ট তৌনরকখিবা অদূগী মতাংদা শোয়খিবা- লানখিবশিং অদুগী মোরেল

রেস্পোন্সিবিলিটি লৌজরি হায়না নীঙমদবা ফোঙদোরকপগা লোয়ননা মহাক ফোক্স কি প্রসিদেন্ট ফম থাদোকচরবনি হায়রি। মীয়ামগী ওইনা অপূনবগী, নুংশিনবগী মরী শাগৎপা থবকশিংদি মখাতানা শরূক য়াখিগনিসু হায়খি।