চৎলিবা থা অসীগী তরেত্তা ইম্ফাল দা থুংলখিবা ১৬ শুবা ফাইনান্স কম্মিসনগী টিমগা মীফম পাঙথোক্তুনা চিফ মিনিষ্টর নোংথোম্বম বিরেন্না মহাক্কি কেবিনেট কল্লিগশিং য়াওনা খন্ন- নৈনখ্রে। সেন্ট্রেল স্পোন্সর্দ স্কিমশিংগী মখাদা পায়খৎলিবা থবকশিংগী মতাংদা কূপ্না খন্ন- নৈনখি। ফাইনান্স কম্মিসনগী টিম অদূ কম্মিসনগী চ্যেরমেন দা. অর্বিন্দ পনাগারিয়ানা লুচিংলকখিবনি। অজয় নরায়ন, এটন জোর্জ মেথ্যু, মানোজ পান্দে মদি সৌমিয়া কান্টি ঘোসসু মীফম অদুদা শরুক য়াখি।
চিফ মিনিষ্টর নোংথোম্বম বিরেন্না লুচিংবা টিমগী মায়কৈদগী লমদম অসিদা তোঙান তোঙানবা ইকোনমিক সেক্তরশিং চাওখৎহন্ননবা গ্ৰান্ট- ইন- এইদ পীবিনবা অমদি অখন্নবা প্রোজেক্টশিং পায়খৎপীয়ু হায়নসু ষ্টেট লৈঙাক্কি মায়কৈদগী কম্মিসনগী টিম অদূদা তকশীনখি। ইন্দিয়াগী ষ্টেট খূদিংমক্তা সেন্ট্রেল্লি স্পোন্সর্দ স্কিমশিংগী মখাদা পায়খৎলিবা থবকশিংগী মতাংদা কূপ্না য়েংশিনগা লোয়ননা খন্ন- নৈনবগী মীফম কয়া কোয়না চত্তুনা পাঙথোক্তুনা লাকপগী শরুক অমা ওইনা মনিপুরগী ওইনসু ঙরাং পাঙথোকখিবনি।
লাক্লিবা চহী মঙাগী মতমসিদা পায়খৎকদৌরিবা থবক থৌরমশিংগী রিপোর্টসু কম্মিসনগী টিম অসীনা খোমগৎলিবনি।
You may also like
-
ফেসোক্কি থৌমীশিংনা বোসেমগী ওফিস থোঙ লোনশীন্ননবা থোমজীনখ্রে
-
অরম্বাই তেঙ্গোলগী লুচিংবা কোরৌঙানবগী মথক্তা এন আই এ না কেস লৌখৎখিবগী মায়োক্তা মীয়াম্না খোঙজঙ চঙশীনখ্রে
-
মহৈ তম্লিবা মচাশিংগী অপাম্বা, অফবা ৱাখল্লোন খঙদোকপিরগা পূক্নিং থৌগৎপীবা হায়বসি মপা মমাগী থৌদাংনি
-
শক্নায়রবা মীওই কয়ামরুম কংগ্রেস পার্টিদা চঙলকখ্রে, তরাম্না ওকখ্রে
-
সেক্যুরিটি ফোর্স না সর্স ওপরেসন চত্থবদা য়াম্লবা খূৎশু-খূৎলায়শিং রিকোভর তৌরে