বাজাজ জেনরেল ইন্সুরেন্সনা ফেতেল ফ্লোরিশ

বাজাজ জেনেরেল ইন্সুরেন্স (হান্নগী বাজাজ এলিএন্স জেনেরেল ইন্সুরেন্স কম্পনী লিমিতেদ হায়না খংনরম্বা) না ঙসি ‘ফেতেল ফ্লোরিশ’, ফেতেল হেল্থকীদমক্তা অখন্নবা মওংদা শেম্বা ইন্সুরেন্স রাইদর অমা হৌদোক্লে।মসিগী তোপ তোপ্পা সোলুসন অসিনা কনভেন্সনেল মেতর্নিতি ইন্সুরেন্সকী মখাদা মতম শাংনা কোনশীলদবা এরিয়া অমা ওইরিবা এদভান্স ইন-য়ুত্রো প্রোসিদ্যুওরশিং অমসুং হাই-রিস্ক প্রেগনেন্সিশিংদা শেলগী তেংবাং পীনবা হেনগৎহল্লি। রাইদর অসি মখোয়গী ফ্লেগশিপ প্রদক্তশিং, “মাই হেল্থ কেয়র প্লান” অমসুং “হেল্থ গার্দ” গা লোয়ননা ফংহল্লি।

ফেতেল ফ্লোরিশ না মেদিকেল এক্সপর্টিস অমসুং ইন্সুরেন্স দিজাইনবু প্রিনেতেল কেয়রগী মরুওইবা মথৌ তাবদু কোকহন্নবগীদমক পুসিনলকপানি। মেটরনিটি প্রদক্টশীং অসি মহৌশানা অঙাং পোকপা অমসুং পোষ্ট-নেটেল ত্রিটমেন্টতা মিৎয়েং চঙলবসু, রাইদর অসিনা মীরোনবী অদুগী খ্বাইদগী মরু ওইবা ফেজ, মীরোনলি মতমগী মনুংদা চেকশিন থৌরাং তৌবদা মিৎয়েং চঙলি।

রিপোর্তশিংগী মতুং ইন্না, ভারত্তা নুপীগী চাদা ১৭না চহি ৩৫ গী মতুংদা অঙাং পোক্নরকপগা লোয়ননা মীরোনবগা মরী লৈনবা প্রোব্লেম হেনগৎলক্লি। অমরোমদা, এমনিওসেন্তিসিস, ফেতেল রিদক্সন, ফেৎোস্কোপিক লেজর সর্জরি, অমসুং ইন্ত্রা উতেরাইন ত্রান্সফ্যুজনগুম্বা থৌওংশিং অসি য়াম্না খুদোংথিনিংঙাই ওইরবা কেসশিংবু লাকশিন্নবা তঙাইফদবা ওইরক্লি। হৌজিক ফাউবদা, অখন্নবা ইন্সুরেন্স প্রদক্ত অমা লৈতবনা মরম ওইদুনা, ইমুং মনুংশিংনা অয়াম্বা মতমদা থৌওংশিং অসিগী অপুনবা শেনফম অদু পুথোকই । হৌদোকপগী মতাংদা, বাজাজ জেনরেল ইন্সুরেন্সকী এম.দি. অমসুং সি.ই.ও. দোক্তর তপন সিংহেলনা হায়খি, মীরোনবা হায়বসি ইমুং খুদিংমক্কী ওইবা অখন্নবা খোঙচৎ অমনি, লাক্কাদৌরিবা অঙাং অদুগীদমক্তা খ্বাইদগী ফগদবা অদু তৌবগী অপাম্বা, আশা, অমসুং মংলান অমনি। মেদিকেলগী প্রোব্লেম থোক্লকপা মতমদা, ইমুংশিংনা য়াম্না অঙনবা মতমদা অরুবা ৱারেপশিং লৌবগী মথৌ তাই । মীরোল্লিবশীংগী কেয়রদা খুমাং চাওশিল্লকপনা ঙন্না ইন্টরভেন্সন তৌবা ঙমহল্লি, অদুবু শেল-থুমগী অৱাবা অদুনা হান্ননা লুরবা ফীবম অদুদা অহেনবা অৱাবা অমা হাপচিনবা য়াই। ফেতেল ফ্লোরিশ রাইদরগা লোইননা, ঐখোয়না মরুওইবা প্রোসিদ্যুর তৌবদা মতেঙ তৌদুনা মসিগী চৈথেং অসি হন্থহন্নবা হোৎনগনি , মরম অদুনা মমা-মপাশিংনা শেলগী মাথা শাবগী মহুত্তা লাইয়েংবা অমসুং তুংগী মীৎয়েংদা পূক্নীং চংবা ঙমহল্লি । মসিগী খুদোংচাবা অসিনা ঐখোয়গী থাজবা অসি উৎলি মদুদি চেকশিন থৌরাং লৌবা অমসুং ঙাক-শেনবা অসি পুন্সিগী খ্বাইদগী অঙনবা স্তেজদগী হৌগদবনি।