লমদম অসীগী মীয়ামগী চৎথোক-চৎশিন তৌবদা মফম অমদগী অতোপ্পা মফমশিংদা লমথূঙফম য়ৌনবা হোৎনবদা অচৌবা মতেং পাংলিবা অমসুং মীয়ামগী মথৌ তারিবা পোৎলমশিং অরাপ্পা মফমশিংদগী পুশিল্লক্তুনা ফংহল্লিবা, অহীঙ-নুংথিল খাক্তনা মীওইবগী সেবা তৌরিবা দ্রাইভরশিংগীদমক পেন্সন স্কিম থম্বিননবা দ্রাইভরশিংনা ষ্টেট লৈঙাক্তা তকশীনখ্রে। ঙরাং দ্রাইভরশিংগী নুমিত্তা মনিপুরগী তোঙান তোঙানবা মফমশিংদা পাক- সন্না দ্রাইভরশিংগী নুমিৎ পালন তৌদুনা পাঙথোক্নখি।
ইম্ফালগী মনিপুর প্রেস ক্লবকি লোক্তাক হোলদা পাঙথোকখিবা দ্রাইভর্স দে থৌরমদা মনিপুর দ্রাইভর্স এসোসিয়েসন্না, হায়ৱে ট্রক ওনর্স ওরগনাইজেসন, সেনাপটি দিষ্ট্রিক্ট ট্রক দ্রাইভর য়ুনিয়ন, ওল মনিপুর গোরখা ট্রক দ্রাইভর্স এন্দ ওনর এসোসিয়েসনগা খূৎশম্ন দুনা ৩৬ শুবা দ্রাভরশিংগী নুমিৎ পালন তৌদুনা পাঙথোকখি। থৌরম অদুদা রিটায়র্দ আই পি এস ওফিসার পোৎশঙবম সোনামনি, মনিপুর দ্রাইভর্স এসোসিয়েসনগী প্রসিদেন্ট সাইখোম বাবুধোন, সোসিয়েল সাইন্টিষ্ট দা. ধনবির লাইশ্রম অমসুং অমজুগী হান্নগী প্রসিদেন্ট ৱাংখেমচা শমজাইনা মীথূংলেনশিং ওইনা শরুক য়াখি।
কুমশিং ১৯৮৯ দগী ঙসিফাওবা চহী খূদিংগী লেপ্তনা দ্রাইভরশিংগী নুমিৎ পালন তৌদুনা লাক্লিবনি। লাইবক থীবা থৌদোকশিংদা লৈখিদ্রবা, শোক্লবা নত্রগা মশাগী চহীনা য়ামশিল্লক্লবশিংদা ঈকায়খুম্নবা ঊত্তুনা দ্রাইভরশিংগী থৌরম অসী পাঙথোক্তুনা লাকপনি। লৈঙাক্না নুমিৎ অসিবু জেনরেল হোলিদে লাউথোকপিয়ু হায়নসু দ্রাইভর য়ুনিয়ন অমদি এসোসিয়েসনশিংগী মায়কৈদগী তকশীন্ননবা ৱাফম ফোঙদোক্নখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে