ইম্ফাল নোংচুপ পানাগী মনূঙচন্না ধনমঞ্জুরি য়ুনিভর্সিটি কেম্পসতা লৈরিবা দিষ্ট্রিক্ট ইন্সটিটিউট ওফ ইদুকেসন এন্দ ট্রেনিং ( দাইট) তা লাইব্রেরি ইন-চার্জ ওইনা থৌ পুরম্বী ঙাংবম সুনিতানা মশাগী অনাবা অমদগী ঈখঙ-খঙহৌদনা থা অসীগী ১৬ তা মশাগী ময়ূমদা লৈখিদবদা ইন্সটিটিউট অসিগী ষ্টাফ শিংনা থম্মোয় শোক্না অৱাবা ফোঙদোকখ্রে।
ইন্সটিটিউট অসিগী টীচিং অমসুং নোন-টিচিং ষ্টাফশিং অমসুং ট্রেনিশিংনা মহাক লৈখিদবদা অৱাবা ফোঙদোক্লদুনা মিনিট অনী লেপ্তুনা লৈখিদ্রবগী থৱায়না মপূ মাগী খূয়াখাদা ঈঙনা- চীক্না লৈরুননবা থৌনিজখি। থৌরমদুদা দাইটকি প্রিন্সিপাল তৌরাংবম বিশ্বলাতা, ইন্সটিটিউট অসিগী টীচিং অমসুং নোন-টিচিং ষ্টাফশিং অমসুং ট্রেনিশিংনা শরুক য়াখি।লৈখিদ্রবিগী ঈমূঙ মনূঙগী অৱাবদসু থম্মোয় শেংনা শরুক য়ারি অদুগা ইন্সটিটিউট অসিগী ফীভম ফগৎহন্ননবা মহাক্না কত্থোকপগা লোয়ননা হোৎনরম্বা কয়াদু কাউঙম্লরোইদবা অমনি হায়না ষ্টাফশিংনা ফোঙদোক্নখি।
মহাক লৈখিদবা অসি ইন্সটিটিউট অসিগী ওইনদি মতম কুইনা মেন্সিনবা ঙম্লরোইদবা অহাঙবা অমা ওইহৌরগনি হায়না প্রিন্সিপালনা ফোঙদোকখি।