মনিপুর য়াওনা হন্দক ইন্দিয়াগী অয়াম্বা মফমশিংদা হেঙ্গৎলক্লিবা অনৌবা কোবিদ- ১৯ গী কেস ময়াম অসীনা মরম ওইদুনা লৈবাক অসীগী মীয়াম্না কা হেন্না মিপাইবা পোক্নরিবা অসী থোইনা হেন্না মিপাইনিঙাই ওইদ্রি। মমাঙগী চহীশিংদা মীয়াম্না থেংনখিবা য়াম্না শাথিবা, মীয়াম মরক্তা পাক-শন্না লৌনগনবা অমসুং মী য়াম্না শিগনবা কোবিদ- ১৯ মখল অদুগা হন্দক শন্দোরক্লিবা ভেরিয়েন্ট অসীগা খেন্নবা খরা লৈরি। হন্দক্কি অসীদি কা হেন্না শাথিবা ওইদে হায়না ষ্টেট লৈঙাক অসীগী হেল্থ দিপার্টমেন্টকি দিরেক্তর ওইনা লৈরিবা দা. চম্বো গোনমৈনা ফোঙদোকখ্রে।
ইম্ফালগী হোটেল ইম্মোলেসতা পাঙথোকপা থৌরম অমদা মহাক্না পাউমীশিংদা ৱাফম অসী ফোঙদোকখিবনি। মীয়াম মরক্তা কনাগুম্বা মীওইশিং লাইহৌ হৌবা, লোক থুংবা য়াওনা নপ চোরকপা য়াওরবদি খূদক্তা হোম আইসোলেসন তৌবিয়ু। হেন্দ সেনিটাইজর, ফেস মাস্ক শীজিন্নদুনা চেকশীন্না লৈবিয়ূ লোয়ননা খূৎ- শা শেংনা অমসুং য়াম্না তোয়না হামদোক্লগা তরু- তনান্না লৈবিয়ু হায়না দিরেক্তরনা মীয়ামদা ফোঙদোকখি।
ষ্টেট হেল্থ দিপার্টমেন্ট কি টিমশিং শেমদুনা এদভাইজরি কম্মিটিশিং শেমখিবা অদূগী ওইবা মীফম অমা ঙসী পাঙথোক্তুনা কোবিদ- ১৯ দগী মীয়াম ঙাকথোক্ননবা ৱাফম কয়ামরুম খন্ন- নৈনরগনি হায়নসু দা. চম্বোনা মখাতানা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা