লৈবাক অসীনা মপূঙফাবা রিপব্লিক অমা ওইদুনা লৈঙাকপা হৌখিবা নুমিৎ জনুৱারী ২৬ পু নীঙশীংদূনা ইন্দিয়াগী মফমশীং শীন্থুংনা চহী খূদীঙগী জনুৱারী ২৬ তা পাঙথোক্লিবা রিপব্লিক দে থৌরম হন্দক পাঙথোক্ননবা লৈঙাক্না শেম-শাবা লোইখ্রে।হায়রিবা রিপব্লিক দেগী থৌরম অসি মনিপুরদা পাঙথোকগী মথৌ তাদে, ইন্দিয়ানা নম্ফূ তৌদুনা লৌশীনখিবা মনিপুরগী মীয়াম অসীদি হৌজিক লোইলম লৈঙাক্কী মখাদা মীখা পোন্দুনা হিংলিবনি হায়না আইন্না অথীংবা থমখ্রবা য়াওল্লূপশিংগী অপূনবা লূপ অমা ওইনা লৈরিবা কোর্দিনেসন কম্মিটি (কোর্কোম) না ফোঙদোরকপগা লোয়ননা থৌরম অসী বোয়কোট তৌই হায়না লাউথোকখ্রে।
মসীগী শরূক অমা ওইনা থা অসীগী ২৫ গী অহীং নোংয়াইদগী মথঙ নুমিৎ জনুৱারী ২৬ কি নুমিদাংৱাইরম পূং ৬ ফাওবা মনিপুর পূম্বদা টোটেল সটদাওন লাউথোরক্লি। সটদাওন চত্থরিঙৈ মনূঙদা ইরৈচাশিংনা ঈশা-ঈশাগী য়ূমদগী মপান থোকপীরক্কনু, শীন্থা খূদীঙমক লেপ্পিয়ু হায়বা ৱাফম থম্লক্লি। সটদাওন চত্থরিঙৈ মনূঙদা তঙায়ফদবা লাইনিং-লাইশোন, অনা-অয়েক, মৈহৌ-লাংপোক অসীনচিংবগা মরী লৈনবা থৌরমশিংদি কোমথোক্কনি হায়নসু খঙহল্লক্লি।
মীয়াম্না রিপব্লিক দেগী থৌরম অসীদা শরুক য়াবিগনু, মীখা পোন্দুনা, লোইলম লৈঙাক্কী মখাদা লৈরিঙৈ মতমসিদা মনীঙতম্বা লৈবাক অমগী রিপব্লিক দে থৌরম পাঙথোকপদা য়াওশীল্লুবগী ৱাহন্থোক অমত্তা লৈতে হায়না কোর্কোমগী পব্লিসিটি কম্মিটিগী মেদিয়া কোর্দিনেটর এম শকহেন্না খূৎয়েক পীদুনা থাদোরকপা চেরোল অমদা ফোঙদোরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা