কো ওর্দিনেটিং কম্মিটি ওন মনিপুর ইন্টিগ্ৰিটি (কোকোমি) না ঙরাংদগী মনিপুর পূম্বদা কৌখিবা পূঙ ৪৮ গী টোটেল বন্দ/সটদাওন হৌজিক চত্থরি। চৎলিবা থা অসীগী ২০ দা সেনাপটি দিষ্ট্রিক্ট কি মনুঙচন্না লৈরিবা গ্বালতাবিদা পাউমীশিং তোংদুনা সিরুই ফেষ্টিবেলগী পাউ কভর তৌননবা চৎখিবা এম এস টিগী বস অমা মরীশুবা মহার রেজিমেন্টকি লান্মী কাঙবূ অমনা বস অদূ খাম্লগা মনিপুর হায়না থারিবা ৱাহৈ পূম্নমক লৌথোক্কদবনি হায়না খঙহল্লকখিবা থৌওং অদূবু কন্না য়ানীঙদবা ফোঙদোক্তুনা কো ওর্দিনেটিং কম্মিটি ওন মনিপুর ইন্টিগ্ৰিটি (কোকোমি) না মনিপুর পূম্বদা কৌখিবা পূঙ ৪৮ গী টোটেল বন্দ/সটদাওন হৌজিক চত্থরি।
বন্দ অসীনা মরম ওইদুনা মনিপুরগী তম্পাক লমদমগী অয়াম্বা মফমশিংদা মীয়াম চত্থোক-চৎশীন তৌনদ্রে, খুন্তাক লান্সিবগী থাক্তা লৈখ্রে।
মফম অয়াম্বদা ঈমা মৈরা পায়বীশিং থোক্লক্তুনা লম্বীদা লাকপা গারিশিং থিংখি। আর্মি গারিশিং খাম্লগা কংলৈপাক মনিপুর হায়না থাবা পোষ্টরশিং মৈরা পায়বীশিংনা গারিশিং অদুগী মিংশেলদা নপশীনখি। আর্মি পার্সনেলশিং মশানা পোষ্টরশিং অদূ ঈমাশিংদগী লৌরগা গারিশিং অদুদা থেৎপসু য়াওখি। মনিপুরগী চিফ সেক্রেটরি, দিজিপি, সেক্যুরিটি এদভাইজরনচিংবা খূদক্তা, হৌজিক চত্থরিবা পূঙ ৪৮ গী বন্দ অসী লোইদ্রিঙৈ মনূঙদা মফম থাদোক্কদবনি হায়না কোকোমিনা দাবী তৌরি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা