চিফ মিনিষ্টরগী হকশেলগী তেঙবাং (সি এম ঐচ টি) অমসুং প্রধান মনত্রি জন অরোগ্য যোজনা (পি এম জে এ ৱাই) হায়রিবা,লৈঙাক্না লায়রবা মীওইশিংগীদমক পীরিবা হকশেলগী বেনিফিট স্কিম অনী অসীগী মতেংনা মনিপুরগী তোঙান তোঙানবা অনা -লায়েঙশঙশিংদা লায়েঙদুনা লৈরিবা কিদনিগী অনাবশিং দাইলাইসিস তৌবা ঙম্লরোই হায়না প্রাইভেৎ হোস্পিটালশিংনা লাউথোরকখিবদগী খোয়রাঙ -খোয়শাওনবা পোকহনখ্রে।
শেল -থুমগী অৱাবা কয়া লৈরবসু কিদনিগী অনাবা লৈদুনা প্রাইভেৎ হোস্পিটালশিংদা চাং নাইনা দাইলাইসিস তৌদুনা লৈবা ঙমজরিবা অসী লৈঙাক্না পীবীবা হেল্থ স্কিম অনী অসী লৈবননি।অদূম ওইনমক অসীগুম্বা হেল্থ স্কিম অনী অসীগী পীথোকফম থোকপা বিলশিংগী দ্যূ এমাউন্টশিং লৈঙাক্না প্রাইভেৎ হোস্পিটাল শিংদা ঙসীফাওবা লৈঙাক্না পীথোক্তনা লৈরকপদগী প্রাইভেৎ হোস্পিটালশিংনা লাক্লিবা নবেম্বর ৬তগী মখা তানা দাইলাইসিস পেসেন্টশিংদা সার্বিস পীবা ঙম্লরোই হায়না লাউথোরকখিবনি।
মসীনা মরম ওইদুনা অসীগুম্বা মখলগী পেসেন্টশিংনা ঙরাং ইম্ফালগী কৈশাম্পাৎ লৈমজম লৈকায়দগী হৌরগা প্রোটেষ্ট রেল্লি অমা চৎখিবনি। রেল্লি অদূ গভর্নরগী বাংলো তম্লকখি।মশীঙ য়াম্লবা মনিপুর পুলিসকি টিম্না পেসেন্ট মীয়াম অদুবু থম্বাল শঙলেনগী গেট মমাঙদা থত্তুনা থমখি। মদুগী তুংদা মরী লৈনবা অথোরিটিগা ৱারী শান্নদুনা ৱাখল তামিন্নরবা মতূঙদা,মখোয়গী পীফম থোকপশিং পীননবা তৌরগনি হায়না খঙহল্লবা মতূঙদা মীয়ামদু মমায় লৈরগা হনখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে