সেন্ট্রেল বোর্দ ওব সেকেন্দরি ইদ্যুকেসনু(সি বি এস ই) না চৎলিবা চহী অসীদগী বোর্দ অসীগী মখাদা লৈরিবা ক্লাস নাইন তম্লিবা মহৈরোয়শিংগী ওইনা পরিখ্যা থাবা মতমদা একজাম হোলদা চঙবদা লাইরিক পুশিনবা, ওজাশিংনা পীবা কান্নরবা নোটশিং পুশিনবসু য়াহল্লগনি হায়রি।
বোর্দ অসীগী মীফম অমা হৌখিবা জূন ২৫ দা পাঙথোকখিবগা লোয়ননা নেস্নেল করিক্যুলম ফ্রেমৱার্ক ফোর স্কুল এদ্যুকেসন, ২০২৩ অমদি নেস্নেল এদ্যুকেসন পোলিসি–২০২০ গা চানগদবা মওংদা অনৌবা থৌরাং অসী হৌননবা অয়াবা পীখিবনি হায়রক্লি।
থৌরাং অসীনা পরিখ্যা থাগদৌরিবা মহৈরোয়শিংদা পূক্নীঙ-ৱাখল কা হেন্না নুঙাইহন্দবা, পোৎলূম পুহনবগী চাংসু য়াম্না হন্থহল্লগনি হায়রি।
