লৈবাক অসীদা ঙসীফাওবা পন্থদুনা, লোইশিনবা ঙমদনা লৈরিবা সিভিল কেস খূদীংমক থা ৬ কি মনূঙদা লোইশিন্ননবা সুপ্রিম কোর্ট না হায় কোর্ট পূম্নমক্তা খঙহনখ্রে। হৌজিক ইন্দিয়া পূম্বগী ওইনা লোইশিন্দনা, পন্থদুনা লৈরিবা সিভিল কেস মশীঙ অসী পূন্না লাখ মাপনলোম্নি হায়রি।
মসীমক্তি য়াম্না নুংনাংনিঙাই ওইরে হায়না এপেক্স কোর্ট অসীগী জষ্টিস জে এ বি পার্দিৱালা অমদি জষ্টিস পঙ্কাজ মিটাল অনীগী দব্বল বেঞ্চনা নুঙাইতবা ফোঙদোরকখ্রে। চৎলিবা চহী অসীগী মার্চ থাদগী ঙসীফাওবদা পন্থদুনা লৈরিবা সিভিল কেস মশীঙ অসী নুংনাংনিঙাই ওইবা চাংদা হেঙ্গৎলক্লি।
মতম অসীগী মনূঙদা দিষ্পোজ তৌখ্রবা সিভিল কেস মশীঙ অসী পূন্না ৩৮,৬৮৫ শুখ্রে। দিষ্ট্রিক্ট জুদিসিয়ারিশিংনা পায়খৎলিবা সিভিল কেস শিংদসু হায় কোর্ট শিংনা মতেঙ পাংশিন্দুনা, য়ারিবমখৈ অথূবা মতমগী মনূঙদা দিষ্পোজ তৌননবা লৈবাক্কি এপেক্স কোর্ট অসিনা ময়েক শেংনা খঙহনখি।
You may also like
-
ঐচ এস এল সি ইগজামগী দোক্যুমেন্ট পুথোকপা ঙমদবা ওফিসার ফাইন থীনবা খঙহনখ্রে
-
মনিপুরদা মতম চানা রিন্যু তৌদবা মেদিকেল ফেসিলিটি কয়া হাংদুনা লৈরি
-
মেদজিফিমাদা কাঙলূপ অনী উংখৎনরক্তুনা খূৎ থোক্নখ্রে,য়ূম কয়ামরুম মৈ থাদোকখ্রে
-
কাঙলূপ মশেল মূক্নদুনা লৈবগী মহূৎ ভিক্সিট ভারত মায় পাকহন্নবা হোৎনমিন্নরসি: গোবিন্দাস
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে