মনিপুরদা য়াম্না অথূবা মতমদা অনৌবা মীয়ামগী লৈঙাক অমা শেম্লকপা য়াবগী ওইথোকপা ৱাংনা লৈরক্লি। মসিগা লোয়ননা কনাদা চিফ মিনিষ্টরগী ফম থিন্দোক্কদগে হায়বগী মতাঙদদি লৈখায় তাদনা লৈরি। হান্নগী চিফ মিনিষ্টর নোংথোম্বম বীরেনদা চিফ মিনিষ্টর ওইহনবদা, পাম্নবা অমসুং পাম্নদবা এম এল এশিং লৈরি। মহাকপু অমুক হন্না চিফ মিনিষ্টর ওইহনবা পামদবা এম এল এ মশীঙনা হেনবগুম তৌরকপনা করিগুম্বা বিরেন অসী চিফ মিনিষ্টর ফম পুহন্দ্রবদি মতম লোইরদুনা লৈরিবা বি জে পি মনিপুর য়ুনিটকি প্রসিদেন্ট এ সার্দাগী মহুত্তা বিরেন্দা প্রসিদেন্টগী ফম অসি থিন্দোক্তুনা পার্টিগী মপাঙ্গল কনখৎহন্নবা থৌরাং সেন্তরনা তৌরি হায়রি।
কুমশিং ২০২৭ কি মার্চ থা ফাওবগী মনূঙদা মনিপুরদা এসেমব্লী মীখল পাঙথোক্কদবা মরম্না মীয়ামদা চাউনা ইথিল পীদুনা বি জে পিদা চিংশিল্লকপা ঙম্বা লুচিংবা অমা থিনরকপদা বিরেন্দা নেস্নেল লিদরশিংনা মরূওইবা মীৎয়েং থম্লকপনি হায়রি।নাকল অমরোমদা, মনিপুরগী রাজ্য সভা এম পি লৈশেম্বা সনাজাউবগী মতমসু লাক্লিবা জুন থাদা লোইরগনি।মহাক্কি মতম লোইরকপগা লোয়ননা বিরেন্দা রাজ্য সভাগী এমপি ওইহল্লগা সনাজাউবদা বি জে পি মনিপুর য়ুনিটকি ফমথোল থিন্দোক্লবা য়াই হায়বা ৱাফম অমসু মীয়াম্না কন্না ঙাঙনবা লৈরি।
প্রসিদেন্ট ওইনা হৌজিক লৈরিবা এ সর্দাগী ওইনদি মহাক্কি মতম লোইরদুনা মতম খরা ইন-চার্জ ওইজবনিনা, অনৌবা মনিপুর য়ুনিটকি প্রসিদেন্ট অমা হাপখ্রবা মতূঙদা মহাক্না রাজ্য সভাগী এম পি ওইবা পাম্লি।
You may also like
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
লৈখিদ্রবা রতন থীয়ামদা ভারত রত্ন এৱার্দ পীননবা সনাজাউবনা তকশীনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি