মনিপুরগী অশুক য়াম্না লুরবা তাঞ্জাশিদা চিফ মিনিষ্টর নোংথোম্বম বিরেন্না চিফ মিনিষ্টর ফম থাদোকপা অসি মতাং চাদে, য়ানিংদে হায়বা ঊত্তুনা লমদম অসিগী ঈমা মৈরা পায়বীশিংনা তোঙান তোঙানবা মফমশিংদা সিট- ইন-প্রোটেষ্ট চত্থদুনা অকনবা খোঙজঙ চঙশিনখ্রে।
মশীগী শরুক অমদা ইম্ফাল ইষ্ট দিষ্ট্রিক্টকি নহারুপ পাঙ্গোং মখোঙ ৱিমেন ৱেলফিয়র এসোসিয়েসন, নহারুপ হুইরেম লৈকায় ৱিমেন ৱেলফিয়র এসোসিয়েশন অমসুং বামোন কম্পু মৈরা পায়বী লূপ্না তোঙান তোঙানবা মফমশিংদা সিট- ইন- প্রোটেষ্ট কি খোঙজঙ চঙশিনখ্রে। ঈমা মৈরা পায়বীশিংনা ফোঙদোক্নরকখিবা মতূঙ ইন্না, ঙসিগী চিরবা তাঞ্জা অসিদা চিফ মিনিষ্টর নোংথোম্বম বিরেন্না মফমদগী রিজাইন তৌখিবা থৌওং অসিমক য়াম্না মতাং চাদবা অমনি।
চিফ মিনিষ্টর শিন্দোক্লগা হীঙশাগী ঈরাং অসী লেপকনি হায়বসু লৈতে। অতোপ্পা চিফ মিনিষ্টর অমা লাক্লবসু ঈরাং অসী নেমথহনবা ঙমগনি থাজদে। মনিপুর থুগাইনবা হোৎনরিবা কুকি-জো কাঙলূপকি এম এল এ তরাদা করিসু তৌবা ঙমদ্রগা মনিপুর কন্ননবা হোৎনরিবা মৈতৈগী এম এল এ শিংদা অকন- অরিং শীঙদুনা দিসক্বালিফাই তৌননবা হোৎনরিবা ষ্টেট লেজিসলেটিব এসেমব্লিগী স্পিকর মশামকসু মফম থাদোকপনা য়াইফবা ওইগনি হায়না থাবা প্লেকার্দ শিং পায়দুনা অকনবা খোঙজঙ চঙশীনখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে