য়াম্না নুঙাইতবা এক্সিদেন্ট কি থৌদোক অমদা চৎলিবা নবেম্বর থা অসীগী মরিদা ছটিসগরদা ট্রেন থেংগায়নবদা মীওই ১১ শিখ্রে অদূগা অতোপ্পা পেসেঞ্জর ২০ হেন্না শোক্তুনা লায়কন্নখ্রে। গেব্রা রোদতগী বিলাশপুর তম্না লাকখিবা পেসেঞ্জর ট্রেন অমনা শোয়বদগী, বিলাস্পুর য়ৌরমদাইদা খামদুনা লৈবা পোৎ -চৈ পুবা ট্রেন অমদা থেংজিনখিবদগী পেসেঞ্জর ১১ লায়কন্নবা ঙমদনা শিখিবনি অদুগা অতোপ্পা পেসেঞ্জর ২০ না শোকপদগী হোস্পিটালদা পুখত্তুনা লায়কন্নখি।
এজেন্সীগী পাউ অমগী মতূঙ ইন্না, হৌখিবা নবেম্বর ৪ গী নুংথিল পূং ৪ রোম তারকপা মতমদা সাউথ ঈষ্ট সেন্ট্রেল রেলৱে জোনগী মনূঙচন্না লৈরিবা বাটোরা অমসুং বিলাস্পুর অনীগী মরক্তা লাইবক থীবা থৌদোক অদূ থোকখিবনি।
থৌদোক অদূগী মমাঙদা ছটিসগরগী চিফ মিনিষ্টর বিষ্ণু দিও সাইনা অৱাবা ফোঙদোকখিবগা লোয়ননা লৈখিদ্রবশিংগী ঈমূঙ অমমমদা কম্পেন্সেসন ওইনা লূপা লাখ ১০/১০ পীরগনি অদূগা অশোকপশিংগীদমক লূপা লীশিং ৫০/৫০ পীগনি হায়না লাউথোকখি।