চকপা ফয়েংগী য়েলহৌঙৈদগী লৈরক্লবা, মনিপুরগী অতৈ মফমশিংদদি উবা ফংলক্ট্রবা, চহী অহুম চঙলক্লবা অঙাঙশিংগী নাহুৎ- নারেং তম্বা থৌরম থা অসীগী মরিদা ইম্ফাল ৱেষ্ট দিষ্ট্রিক্ট কি ফয়েং অৱাং লৈকায়দা পাঙথোকখ্রে। চকপা ফয়েংনা খুন্থোক্লকপা মতমদুদগী পরীং কায়দনা পাঙথোক্তুনা লাক্লিবা, লাইশোন-তীনশোনগা লোয়নবা থৌরম অসী মনিপুরগী অতৈ মফমশিংদদি উবা ফংলক্ট্রবা থৌরম্নি। চহী অহুম শুরক্লবা অঙাঙশিংবু অমূক্তদা পূল্লপ্না নাহুৎ- নারেং তম্বগী ফজরবা চৎনবীগা শাগোন্নরিবা থৌরম অসী খুঙ্গং অদূগী খুল্লাকপা নিংথৌজম তোয়াইনা ময়ায় তাঙবল লৌদুনা পাঙথোকখিবনি।
চহী অহুম চঙলক্লবা অঙাঙ মাপন থৌরমদুদা নাহুৎ- নারেং তমদুনা মপূঙফানা থৌরম পাঙথোকখি। ঈপা-ঈপূশিংগী হাক্তক্তগী চৎনদুনা লৈরক্লবা চৎনবীগী, লাইথৌ-তীন্থৌগা মরী লৈনবা থৌরমশিং অসী ঙসীদি মতমগী অওনবা লাকখিবনা খজিক-খজিক মওং মতৌ হোংদোরকপগী ফীভম উবা ফংলক্লি, মসীমক্তি মিপাইনিঙায়নি হায়খি।
অসীগুম্বা লাইথৌ-তীন্থৌগা মরী লৈনবা থৌরম অসী অঙাঙ অমগী পুন্সিদা অহানবা পাঙথোকপা লাইনীংগা মরী লৈনবা থৌরম্নি। মসী পাঙথোকহৌদ্রবদি খুলগী ফম্নাইবা ওইবা য়াদে হায়বা অমসু লৈবনা থৌরম অসী চকপা ফয়েংগীদমক্তদি য়াম্না মরুওইবা অমা ওইনা লৌনৈ হায়নসু তোয়াইনা মখাতানা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে