কুমশিং ২০১৯ দা য়ুনিয়ন লৈঙাক্না পাস তৌখিবা সিটিজনশিপ ( এমেন্দমেন্ট) এক্ট কি মতূঙ ইন্না হৌখিবা কুমশিং ২০১৪ গী দিসেম্বর ৩১ ফাওবদা বংলাদেস, পাকিস্তান অমসুং আফঘানিষ্টান্দগী ইন্দিয়াদা চঙলকখিবা মশীঙ য়ামজদবা কাঙলূপশিং লৈবাক অসীগী সিটিজন ওইবা য়াহনখি। মশীঙ য়ামজদবা কাঙলূপশিং অদূদি, খ্রিষ্টিয়ন লাইনিং চৎপশিং, বুধিষ্ট, জৈন, পার্সি, হীন্দূ, শিখনচিংবশিং অসীনি।
মদূগী মতূঙ হন্দক্তা লৈঙাক্না পাস তৌখিবা সিটিজনশিপ ( এমেন্দমেন্ট) এক্ট কি মখাদা মিনিষ্ট্রি ওফ হোম এফ্যের্স না ওর্দর অমা নৌনা থোক্লক্তুনা শেমদোরকখিবগী মতূঙ ইন্না, মমাঙ চহী ২০২৪ গী দিসেম্বর ৩১ ফাওবদা য়ূমথঙনরিবা লৈবাকশিং অসীদগী চঙলকখিবা, মশীঙ য়ামজদবা কাঙলূপশিং অসীগী মীওইশিংসু লৈবাক অসীগী সিটিজন ওইবা য়াহনখ্রে।
মসিগা লোয়ননা অনৌবা ওর্দর অসীগী মতূঙ ইন্না, রাইট ওফ রেসিদেন্স হায়বসিগা রাইট ওফ সিটিজন্সিপ অনী অসী তোখাই-তোখাইবা এন্তাইটিশিং ওইরগনি, মরী লৈনররোই হায়না ময়েক শেংনা ফোঙদোকখ্রে।
লৈঙাক্কি খোঙথাঙ অসী ওপ্পোজিসন পার্টিশিং অমসুং মীয়াম্না মায়কৈ কয়াদগী য়ানীংবা ফোঙদোক্নরকপসু লেপত্রিবনি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর