সেন্ট্রেল এগরিকলচরেল য়ুনিভর্সিটি (সি এ য়ু) গী তোঙান তোঙানবা থবকশিং লৌনবগী এগজাম পাঙথোক্নবগী সেন্টর অমত্তা মনিপুরদা পীরক্তবা হায়বসি খ্বায়দগী লাইবক থীবনি। সি এ য়ুগী অথোরিটি অমসুং মনিপুর লৈঙাক্না হীরম অসীগী মতাংদা করিগুম্বা থবক অমত্তা পায়খৎলকপগী মমি তাদবা অসী য়াম্না লাইবক থীবনি হায়না ইন্দিয়ান নেস্নেল কংগ্রেসকি ষ্টুদেন্স য়ুনিট ওইনা লৈরিবা নেস্নেল ষ্টুদেন্স য়ুনিয়ন ওফ ইন্দিয়া (এন এস য়ু আই) মনিপুর ষ্টেট য়ুনিটকি স্পোক্সপার্সন পি বঙ্কিমচন্দ্রনা ফোঙদোকখ্রে।
ইম্ফালগী বির টিকেন্দ্রজিৎ রোদ মনাক্তা লৈবা কংগ্রেস ভাবন্দা পাঙথোকপা পাউমীশিংগা উনখিবা থৌরম অমদা বঙ্কিমচন্দ্রনা ৱাফম অসী ফোঙদোক্লদুনা হায়, মনিপুরগী হৌজিক মায়োক্নরিবা হীঙশাগী ঈরাং অসীনা মরম ওইরগা মীয়াম খম থেংনা অৱাবা খুদোংচাদবা কয়া মায়োক্নদুনা, শেল থুমগী খুদোংচাদবা কয়ামরুম মায়োক্নদুনা লৈরি। মহৈরোয়শিং কা হেন্না চৈথেঙ নংলি। মীয়াম্না অৱাবা তারিবা কয়া অসীগী খুদোংচাবা লৌবা মানবা থৌওং অসী পেন্দে, লৈঙাক অমা লৈরি হায়বগী কান্নবা অমত্তা মীয়ামদা ফংহনবা ঙমদ্রবদি ৱাহন্থোক লৈরক্লোই হায়খি।
মথঙ চহী ২০২৫ গী জানুয়ারি ৩ অমসুং ৪ দা পাঙথোক্কদৌরিবা থবক লৌনবগী চাংয়েং অসীগী সেন্টর মনিপুরদসু হাংবিয়ু হায়জরুবদা সেক্যুরিটি মতীক চানা পীদ্রবদি ঙম্লোই হায়না সি এ য়ুগী ভাইস চাঞ্ছেলরনা পীরকখিবা পাউখুমদু দাইত্য মশক খঙজদবা মতৌনি হায়না মহাক্না ফোঙদোকখি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না