জিরিবাম দিষ্ট্রিক্টকী বোরোবেক্রা পুলিস ষ্টেসননা কোনবা মখা বষ্টিদা জিরিবামগী বোরোবেক্রা পুলিস, ২০ শুবা সি আর পি এফ অমসুং ৪৫ সুবা সি আর পি এফকি অপূনবা কাঙবূ অমনা চেক তৌবদা রেজিষ্ট্রেসন নম্বর এ এস ০১ এল সি ৭৬৩১ হায়রিবা ট্রক অসীদগী হেরোইন পাউদর/ ব্রাউন সুগরনি চিংনবা দ্রগ কিলোগ্ৰাম ১০.৮ ফাগৎপা ঙমখ্রে।
দ্রগকি পোৎলমশিং অদূ ট্রক অদূগী কেবিনগী মথক থংবা বোদীগী শরূক্তা তোঙান তোঙানবা পেকেটশিংদা হাপ্লগা লোন্না পুরম্বনি হায়না পুলিসকি পাউ অমদা খঙহল্লক্লি। ট্রক দ্রাইভর অদুদগী শেল ওইনা লূপা ১,৫০০ সু সেক্যুরিটি ফোর্স কি টিম অদুনা রিকোভর তৌখ্রে। ট্রক দ্রাইভর অদূ আসামগী কছার দিষ্ট্রিক্ট মনূঙচন্না লৈরিবা ন্যু খাইরাবাদ এফ ভি লালপানি এরিয়াদগীনি হায়বা খঙবা ঙমখ্রে। মহাক্কি মমীংনা অজাহর হুসেইন এলাইজ মোনু অপোকপা লৈখিদ্রবা বাবুল হুসেইন কৌই হায়রি।
মহাক বোরোবেক্রা পুলিস ষ্টেসনদা পুরক্লবা মতূঙদা ফোর্মেল ওইনা এরেষ্ট তৌখ্রে। মীওই অদূগী মথক্তা মরী লৈনবা এক্টকি মখাদা বোরোবেক্রা পুলিসনা কেস অমা রেজিষ্টর তৌদুনা মখাতানা থিজিনবা হৌখ্রে হায়না পাউ অসিনা ফোঙদোরক্লি।
You may also like
-
নম্বুল লাইন্দা মতম খরা মৈ মূৎকদৌরি
-
বি জে পিনা সেন্সস য়ৈথোক্লে হায়রগা মীয়াম্না হরাওরুবা, পেন্থোক্লুবা য়াবা নত্রি:কৈথেলগী ঈমাশিং
-
মীতোপ খন্দোকহৌদ্রিঙৈদা সেন্সস তৌখ্রবদি য়েলহৌমীশিং মূৎখিবা শোয়দ্রবনি: জীতেন্দ্র
-
আর পি আই (এ) গী নেস্নেল প্রসিদেন্ট না মনিপুরগী সি এস ওশিংগা উনদুনা ইস্যু কয়াগী মতাঙ খন্নখ্রে
-
মনিপুরি মচীন-মৌপ্ৱা অনীনা এয়র ইন্দিয়াদা থবক তৌমিন্নদুনা ষ্টেট অসীগী মীয়ামগী পূক্নীং চিংশিনখ্রে