ব্লেন্দৰ্স প্ৰাইদ ফেশন টুরনা ফেশনগী অনৌবা য়াওল শেম্লে

ব্লেন্দর্স প্রাইদ ফেশন টুরনা, ময়াম্না খঙনরিবা ফেশন ক্রাফ্টকী মশক-মওং অদুদগী থৈদোকপা ফেশনগী তোপ-তোপ্পা ৱাহন অমগা লোয়ননা চহি অসিগী ইদিসনগী ফীজং থাদখ্রে। পুক্নিং হুরবা হাউরা ব্রীজগী ফজরবা বেকদ্রোপ অমদা সেট তৌদুনা অমসুং সিটিগী ঐতিহাসিক ওইরবা হুগলী রিভরবু মশকথোক্লবা রনৱে অমদা মশক হোংদোক্তুনা, ফিনালে ইদিসন অসিনা দিজাইনর অনামিকা খন্না একে|ওকেগী ইক্সপীরিমেন্টেল কলেক্সন অমা, মশক-মতৌ নিংথিরবা ইশান খত্তরনা শোষ্টোপর ওইদুনা প্রজেন্ট তৌখি, অমদি মসিনা দিজাইনবু মহৌশাদগী খঙনরক্লিবা মশক্কী ৱাংমদা উৎপা ঙমদুনা ফেশনগী খোঙথাংবু মশকথোক্লবা তুংলম্বী অমদা পুবা ঙমখি। 

ফেশন দিজাইন কাউন্সিল ওফ ইন্দিয়া (এফ.দি.সি.আই)গা খুৎশম্নদুনা, শোকেস অসিনা ক্রাফ্টমেনশীপকী মতাংদা হান্না লৈরম্বা ৱাখল্লোনশিংবু শীংনদুনা, মসিবু অরেপ্পা ত্রেদিসন অমা নত্তে, অমদি মসি অহিংবা, লেপ্তনা মশক ওল্লিবা শাফু অমনি হায়বদু তাকখি। অনামিকা খন্নাগী একে|ওকেনা মীয়াম্না খঙনরিবা ক্রাফ্টকী ৱাহৈশিং—জারদোজী, চিকানকারী অমসুং মিংশেলগী থবকপু মচেৎ তানা থুগায়খি অমদি মখোয়বু তুংলমচৎকী টেলরিং, মেটলিক ইন্টরভেন্সনশিং অমদি কোজমিক-ইন্সপায়র্দ গ্রাফীক্সকী খুত্থাংদা মখোয়বু নৌনা অমুক শেমগৎতুনা উৎখি। 

শো অসিনা হি অমগী ফম্বাক্তা, অদুগা হুগলী রিভরগী ময়াইমক্তদা পাঙথোক্তুনা, মদুবু ফেশনগী অতাউবা থীয়েটর অমগী মশক ওইহনখি। দাইভরশিংনা হি অদুদা ফাউগৎলক্তুনা অমসুং মৈঙাল, মৈখু, অমদি মখোলগী খুত্থাংদা অহিংবা মশক অমা উত্তুনা হৌদোকখি। মোদেলশিংনা ষ্ট্রকচর অদুগী মনুংদগী হায়-এনর্জী স্কোর অমদা থোরকখি, অমদি রেস্পোন্সিব লেজরশিংনা ষ্টেপ খুদিংগী মফম হোংদুনা মমি তাহনবনা, শো অদুগী টেন্সন অমসুং মোমেন্টম ৱাংখৎহনখি। নেরেটিব অদুবু হেন্না মশক থোকহনখিবদি য়ুনিফাইদ ষ্টেটমেন্ট অমা ওইনা মপাঙ্গল লৈরবা চেনমেলগী মশকশিং প্রজেন্ট তৌখিবা, অমদি স্কল্পচরেল সিলুয়েটশিংনা লেংদুনা মতুং ইনখিবদুনি। ফিনালে অদু ইশাননা স্পীদবোট অমা তোংদুনা থোরকপদগী হৌরগা, আইকোনিক হাউরা ব্রীজগী বেকদ্রোপতা অপুনবগী ওইবা ক্লোজিংগী মীৎকুপ অমদা লোইশিনখি। 

নুমিদাং অদুগী তোপ-তোপ্পা মশক অদুবু হেন্না মশক থোকহনখিবদি, ম্যুজিয়মগা মান্নবা ইন্টরিয়রশিং অমদি মসিগী মশক থোক্লবা অকুপ্পা মরোল য়াউবা বেঙ্গল পেদল জহাজনি, অমদি মসিবু ফম্বাক অদুদা পুরক্ত্রিঙৈ মমাংদা সিটিগী মশক নায়রবা মীপুম খুদিংবু হোষ্ট তৌখি। মসিগী হান্নগী বোইলর রুমগী মনুংদা লৈবা, অমদি তাঙলবা মেরাইন আর্টিফেক্টশিং অমদি হুগলীগী লীগেসী তাক্লিবা ক্যুরেটেদ ইনষ্টোলেসনশিং য়াউরিবা রিভরাইন ম্যুজিয়ম অদুনি, মসিনা শোকেসকী ফজরবা মশক-মওং অদুগা চুশীন্নবা কলচরেল বেকদ্রোপ অমা শেমখি। 

দেবাশ্রী দাসগুপ্ত, সি.এম.ও, পরনোদ রিকার্দ ইন্দিয়ানা হায়খি, “ব্লেন্দর্স প্রাইদ ফেশন টুর অসি ফেশন অমসুং কলচরেল কনভর্সেসনশিংগী মশক শেম্বদা মতম পুম্বদা মাঙজিন থাদুনা লাক্লি। ইদিসন অসিগী ফাইনেল চেপ্টর ওইনা, কোলকটানা ফেশন হায়বসি তশেংনমক্কী মশক হোংবা নাই হায়বদু উৎখ্রে। ‘তুংলমচৎ হায়বসি শেম্বনি’ হায়বসি শুপ্নগী শোকেস অমখক নত্তে, মসিদি কমদৌনা হেরিটেজ অমসুং ইনোবেসন্না পুন্সিন্দুনা করিগুম্বা তোপ-তোপ্পা মশক অমা শেম্বগে হায়বদুগী মপাঙ্গল লৈরবা ৱাহন্থোক অমনি।”