মনিপুরদা হৌখিবা কুমশিং ২০২৩ গী মে অহুমদগী ঙসীফাওবদা থোক্লিবা,মৈতৈ অমসুং কুকি কাঙলূপ অনীগী ঈরাং অসিনা মরম ওইদুনা নাকল অনীগী মীওইশিংগী মরক্তা উনবা ঙম্নদবগী,য়ানদবগী অমসুং থাজনবা ৱাৎপগী ফিভম অমা লৈরিঙৈ চৈরক্তা শীঙজমৈ কেন্দ্রগী বি জে পিগী এম এল এ য়ূম্নাম খেমচান্দ না মনিপুর বি জে পিগী লুচিংবশিংগা লোয়ননা কুকি কাঙলূপকি আই দি পিশিং লৈরিবা রিলিফ কেম্পতা চত্তুনা ৱারী ৱাতায় তৌনদুনা লমদমসিদা মহৌশাগী ঈং-তপ্পা শক্তম হঞ্জিলহন্ননবা অমসুং কাঙলূপ অমনা কাঙলূপ অমদা মচীল -মনাওনি খন্না, অশোয়বা-অরানবা য়াওখিবা পূম্নমক ৱারৌনদনবা ৱাফমশিং ফোঙদোকখ্রে।
কাঙলূপকি ঈরাং অসী হৌরকখিবা মতমদগী মৈতৈ কম্যুনিটিগী এম এল এ অমনা কুকি কাঙলূপকি রিলিফ কেম্পতা লাক্তুনা নুংশি-চানবা পুরক্নবা থবক পায়খৎলকপসি এম এল এ খেমচান্দ না মনিপুরদা ইহান হানবা ওইরে।মহাক্না ইম্ফাল ইষ্ট দিষ্ট্রিক্ট কি লিতান সারৈখোংদা লৈরিবা কুকি আই দি পিশিংগী মনাক্তা লাক্তুনা খ্রিষ্টমাস কি য়াইফা-পাউজেল পীখি।
ঐখোয় মশেল মতম শাংনা য়েংথীনদুনা লৈবনা লমদমসিদা শান্তি অমসুং চাওখৎপা পুরকপা ঙম্লোই। তুংদা হৌরক্লিবা অঙাঙশিংগীদমক ঙসীগী মমা-মপা ওইরিবা ঐখোয়না অপূনবা,নুংশি চাননা হিংমিন্নবা মনিপুর অমা থম্লম্লসি হায়না খেমচান্দ না আই দি পিশিং অদুদা ফোঙদোকখি। মহাক্কি খোঙচৎ অদুদা বি জে পি মনিপুর গী ভাইস প্রসিদেন্ট থোমসন ঐচ শিমরে অমসুং পার্টিগী অতৈ লুচিংবশিংসু শরুক য়াখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা