অৱাং-নোংপোক্তা লৈরিবা মীয়াম মরুওইনা শোত্থনা লৈরিবা চীঙমীশিংগী মতেং পাংলিবা, অশেংবা মরুপ্নি হায়রিবা অসাম রাইফলসনা পল্লেলদা ঈ দান তৌবগী থৌরম অমা পাঙথোকখ্রে।
রিমস অথোরিটি অমসুং হোস্পিটাল অসীগী মেদিকেল এক্সপর্টশিংগা খূৎশম্নরগা পল্লেলদা ঈ দান তৌবগী থৌরম পাঙথোকখিবা থৌরমদুদা ৱা ঙাঙবদা এ আরগী মকোকথোংবা ওফিসারশিংনা ফোঙদোকখিবদা, মীওইবগী পুন্সি কনবা অমসুং কন্ননবা মতেঙ পাংবা হায়বসিনা মীওইবা অমগী খ্বায়দগী অথোয়বা মগুন্নি, অহেনবা ধর্ম নি। কত্থোকপা য়াওদ্রবা মীওই মপোক অদূদি পোকপগী মহৈ য়ান্দ্রবা পুন্সিনি। খ্বায়দগী মরুওইবা কত্থোকপা হায়বসি মীওইবগী পুন্সি কন্ননবা ঈ দান তৌবা হায়বসিনি হায়খি।
মনিপুরদা হৌজিক থোক্লিবা হীঙশাগী ঈরাং অসিদা ঙসিফাওবদা মীওই ২৬০ হেনবগী পুন্সি পিখম্নখ্রে। মীওই লীশিং কয়ামরুম অশোক- অপন নংদুনা ঈ মথৌ তারকপদা মীয়ামগী মতেং পাংননবা অসাম রাইফলসনা রিমস অথোরিটিগা খূৎশম্নরগা ঈ দান তৌবনি হায়খি। রিমস অমসুং এ আরগী মেদিকেল টিমশিংনা লুচিংদুনা পাঙথোকখিবা ঈ দান তৌবগী থৌরম অদুদা পল্লেল অমসুং অকোয়বা মফমশিংদগী লাকপা মীওই ১০০ হেনবনা দোনর ওইনা শরুক য়াখি।
You may also like
-
প্লাষ্টিক্কি পোৎলমশিং থিংবগী খোঙজঙ হেন্না কন্সীল্লগনি: দি সি সুভাস
-
ৱক্ফ এমেন্দমেন্ট এক্টকি মায়োক্তা নেস্নেল কনফরেন্স না ৱাকৎ-চেরোল থাঙ্গৎকদৌরি
-
মোরেগী দুকানশিংদা রেইদ চত্থবদা য়াম্লবা য়ুঙাঙ, য়ুঙৌশিং ফাগৎপা ঙমখ্রে
-
মনিপুর পুলিস য়াওবা কম্বাইন সেক্যুরিটি ফোর্স পার্সনেলশিংনা কে সি পি (পি দব্লিয়ু জি) গী এক্তিব কাদর অমা ফাগৎপা ঙমখ্রে
-
সি এম ঐচ টি, পি এম জে এ ৱাই কার্দ শেম-শাবগী থৌরম পাঙথোকখ্রে