হৌখিবা কুমশিং ২০২৩ গী মে থাগী অহুমদগী মপানলমদগী মনিপুরদা আইন কায়না, লোন্না চঙশীল্লকখিবা চিন-কুকি-নার্কো টেরোরিষ্টশিংনা মনিপুর থুগাইনবা চত্থরক্লিবা হীঙশাগী ঈরাং অসিদা লাঞ্জন্নরগা রিলিফ কেম্পশিংদা অৱাবা খাঙদুনা লৈরিবা ইনমেটশিংগীদমক আশা দর্সন টামলপুর আসামনা পীরকপা দব্বল ব্লাঙ্কেট ৩০০ য়েন্থোকখ্রে। য়ুনিভর্সেল ফ্রেন্দশিপ ওরগনাইজেসন (য়ু এফ ও) সেন্ট্রেল হেদ ক্বার্টর্সগী ভলন্টিয়রশিংনা তেঙবাং পোৎলমশিং অদু ইম্ফাল ইষ্ট অমসুং ইম্ফাল ৱেষ্ট দিষ্ট্রিক্ট শিংগী তোঙান- তোঙানবা মফমশিংদা হাংবা রিলিফ কেম্পশিংদা অৱাবা খাঙদুনা লৈরিবা ইনমেটশিংদা য়েন্থোকখি।
হৌজিক হৌজিক ময়াঙ ইম্ফালগী প্রভাবতি কোল্লেজদা হাংবা রিলিফ কেম্পতা চঙজফম লৌদুনা, মশাদা দিপ্রেসনগী লায়না-লাইওং লোয়নদুনা লৈরবী অৱাং শেকমাইদগী নিংথৌখোংজম উশারানিদা লায়েংবগী মতেং ওইনবগীদমক য়ু এফ ওগী খূত্থাঙদা আসামগী লূপ অসীনা পীরকপা লূপা লিশীং তরুক্কি শেনফমসু খূৎশিন্নখি।
সওম্বুংদা লৈরিবা বিরমঙ্গোল কোল্লেজদা হাংবা রিলিফ কেম্পতা লৈরিবা ইনমেটশিংগী শেন্থোক লম্বী পীনবগীদমক লূপ অসীনা পীরকপা, ফিশাকোন লৈননবা লূপা লিশীং ১৫ সু রিলিফ কেম্প অসিগী কনভেনর ৱায়েনবম বিরেন দা য়ু এফ ওগী থৌমীশিং অদুনা খূৎশীন্নখি।