এমবে ইন্দিয়ানা প্রেমিয়ম স্কিনক্যের রেঞ্জ পাকথোক-চাওথোকহল্লে

ইন্দিয়াগী ওইনা পীক্লিবা, নৌরিবা অঙাংশিংদা মচি ওইবা চীঞ্জাক পীজ দুনা তিঞ্জং-কাইজংদবা খুন্নাই অমা ওইহন্নবা লৌখৎলক্লিবা খোঙথাংদা অচৌবা থৌদাং য়াদুনা লাকপগী মথক্তা মতম কয়াগী মমাংদগী অঙাংশিং গী হকচাংদা কান্নরবা লোসন মখলশিং পুথোকুনা লাক্লিবা জোন্সন্স আর বিবি হায়রিবা মমিং লৈরবা কম্পেনি অসিনা হন্দকসু ইনৌ নৌবা ওইনা শঙ্গোম অমদি চেঙনা পুনশিল্পগা শেম-শারবা, অঙাংশিং গীদমক অনৌবা স্কিনক্যের লোসন অমা লোঞ্চ তৌথে।

অসিগুম্বা বৈগ্যানিক ওইবা মওংদা শেম-শারবা, মতমগা চাননা অঙাংশিংগীদমক শেম্বা বোদি ক্রিম, লোসন্নচিংবা পুথোকুনা মীয়ামদা ফংহনবদা ইনি দয়াবু মালেমগী লৈবাকশিংনা শিংখনরি। মসিদা জে ান্সন্স আর বেবিগুম্বা কম্পেনিশিংনসু অচৌবা থৌদাং লৌরিবনি হায়বা য়াই।

বৈগ্যানিক ওইবা মওংদা শেম-শারবা অঙাংশিং গী হকশেলগী কান্নরবা পোৎলমশিং কোন্সন্স আর বেবি কম্পেনিনা লেপ্পা লৈতনা পুথোরকি। মিল্ক এন্দ রাইস রেঞ্জ প্রদক্ট অসি হন্দক নৌনা লোঞ্চ তৌখিবা অদু ‘পোসান কা পেহলা স্পাস’ কেম্পেইনগী শরুক অমনি হায়রি।

মসিনা ইন্দিয়াগী য়েলহৌঙৈদগী লৈজরক্লবা অন্নাপ্রসান নৎত্রগা মুখিভাৎ হায়রিবা থৌরম অদুদা মপাঙ্গল হাপকৎতুনা অফবা মণ্ডন অমা হেনগৎহল্লিবনি হায়রি। অনৌবা জোন্সন্স আর বেবি মিল্ক এন্দ রাইস রেঞ্জ অসি মিল্ক প্রোটিনগা য়ানশিন্নরগা শেম্বনি। মসি ভিটামিন ই, গ্লিসরিন অমদি মল্টিভিটামিন কমপ্লেক্স হান্ত্বনা নৌরিবা অঙাং শংগী অথোৎপা উন্সা অদু হেন্না ফজহন্নবা অমদি সাইদ ইফেক্ট য়াওহন্দনা তগৎ-তগৎ তো লৈহন্নবা মওংদা শেম্বনি। প্রদক্ট অসিদা সাপোন, রাস অমদি সেম্পু, লোসন, ফেস অমদি বোদি ক্রিম লোয়নমক য়াওই হায়রি।

ক্লিনিকশিংদা চাংয়েং নীংথিনা তৌরদুনা অশোয়-অঙাম য়াওদ্রে খঙলবা মতুংদা প্রদক্ট অসি পুথোকপনি। অথোৎপা, মনম নুংশিবা, পি ঐচ বেলেন্সিং তৌরবা মতুংদা হায়পোএল্লর্জেনিক ওইরবা প্রদক্ট অমনি হায়রি। হকচাংদা কান্নবা পীরিবা, শীজি ন্নবদসু নুংঙাইরবা মিল্ক এন্দ রাইস লোসন অমদি ফেস এন্দ বোদি ক্রিম অসিনা পুং ২৪ ফাওবা হকঢাং গী শরুকশিং ঈশিং মনিল মাঙহন্দনা চোৎ-চোৎ লাওনা লৈহল্লি। জোন্সন্স আর বেবিগী গ্রুপ প্রদক্ট মেনেজর পিয়ুস উনিকৎনা ফোঙদোকখিবা মতুং ইন্না, মিল্ক এন্দ রাইস প্রদক্ট অসিনা পোকপদা ডাইরিবা অঙাংগী নুংঙাইরবা, কান্নরবা লোসন অমা হায়বদু ওইরগনি। মখোয়গী উনশাগী মপাঙ্গল কলহনবা, তরু-তনালহনবা, ঈশিং মনিলগী চাং কাইহন্দনা থম্বদা অচৌবা খৌদাং লৌরি হায়না ফোঙদোকখি।