জম্মু অমসুং কাস্মির য়ুনিয়ন টেরিটোরিগী তম্পাক লমদমদা হৌখিবা নুমিৎ খরনি অসিদা কা হেন্না অকনবা নোং লেপ্তনা হৈথরকপদগী মফম কয়াদা লেন্দস্লাইদ থোকখিবা থৌদোকশিংদা মীওই অহুম শিখ্রে অদুগা নেস্নেল হায়ৱেশিং লৈচাক্না ফুঞ্জিনখিবদগী লৈবাক্কি অতৈ মফমশিংগা ফাওনবা ঙমদনা লৈখ্রে। লোয়ননা ফ্লাস ফ্লদ থোকপদগী মীয়ামগী মহৌশাগী পুন্সিদা চাউনা অপনবা থোকহনখ্রে।
লেন্দস্লাইদ থোকখিবা থৌদোকশিংদা য়ূম অমসুং বিল্ডিং কয়ামরুম ফুঞ্জিনখিবা অমদি অকায়- অতোই নংখিবা মরম্না মীয়ামগী পুন্সিদা কা হেন্না খুদোংচাদবা মায়োক্নরগা লৈরি। ঈশীঙ ঈচাও খঙহৌদনা মায়োক্নরকপদগী লম্বীশিংদা গারীশিং চৎপা য়াদনা ঈশীং থূমজিন্দুনা পরেং পরেং লৈবা উবা ফংলি। মহৌশাগী খুদোংথীবা থৌদোক অসীদা য়াম্না কা হেন্না অৱাবা, খুদোংচাদবা মায়োক্নরগা লৈরিবা লমদম অমা পনবা তারবদি রম্বান লমদম্নি হায়রি। উপাল-ৱাপাল কয়ামরুম মরূ ফূক্তুনা তুখ্রে অদুগা ইলেকত্রিক্ট পোষ্ট কয়াসু পাক সন্না অমাঙ- অতা থোকখ্রে।
রম্বান লমদমদা হৌখিবা শগোলশেন নুমিত্তা খঙহৌদনা অকনবা নোংলৈ-নুংশিৎকা লোয়নবা নোংনা লম্বীশিংদা মীকূপ খরগী মনূঙদা ঈচাও নংহনবদগী মীয়াম খা-রাই খঙদনা লাঞ্জেন্নহনখি, য়ূম অমসুং বিল্ডিং কয়া থুদেকখি হায়রি। হৌজিকসু লমদম অদূদা মৈ ফংদবা, ট্রান্সপোর্ট অমসুং কম্যুনিকেসনগী নেটৱার্ক পূম্নমক ফেল ওইরগা লৈখ্রে হায়রি।
You may also like
-
মনিপুরদা পি আর থমজিন্দুনা ঊৎ চাইবনা য়ারোই, চপ চাবা থবক লৌখৎলু: বিমোল
-
দিল্লিদা চিংননিঙায় ওইবা মওংদা লৈখিদ্রবী প্রিয়ালক্সমীগী জে এ সি শেমখ্রে, মথৌ মঙম পাঙথোকখ্রে
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে