ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে

মনিপুরি ষ্টুদেন্টস ফেদরেসন (এম এস এফ) কি মরূওইবা ইদুকেসন কেম্পেইন অমা ওইরিবা “ঐখোয় লাইরিক নীঙথীনা তমসি”, হায়রিবা কেম্পেইন অসীগী চহী ২০ শুরকপগী কুম্মোন থৌরম অমা ঙরাং ইম্ফাল ৱেষ্ট দিষ্ট্রিক্ট কি মনূঙ চন্না লমশাং দা লৈরিবা প্রজা হায়র সেকেন্দরি স্কুলদা চীঙ লেম্না পাঙথোকখ্রে।
থৌরম অদুদা এম এস এফকি প্রসিদেন্ট হিজম রোসন, প্রজা হায়র সেকেন্দরি স্কুলগী প্রিন্সিপাল লমাবম সঙ্গিতা, সোসিয়ল সাইন্টিষ্ট ধনবীর লাইশ্রম, মোদল হায়র সেকেন্দরি স্কুলগী ভাইস প্রিন্সিপাল টিঐচ নন্দিনি অমসুং কৈশামথোং হায় স্কুলগী হেদ মিষ্ট্রেস সলাম সুনিটানা মরূওইবা মীথূঙলেনশিং ওইনা শরূক য়াখি।
থৌরমদুদা ৱা ঙাঙবদা এম এস এফকি প্রসিদেন্ট হিজম রোসন্না হায়, হৌজিক্কি মতমদা মহৈরোয়শিং অয়াম্বদি মমা-মপা ওইবশিংনা স্কুল অমসুং কোল্লেজগী ইদুকেসনখক্তদা মায় ওন্সীলহনবগী চৎনবী অমা লৈহনখিবদগী লৈকায়গী থবক-থৌরমশিংদা শরুক য়াবগী হৈনবী মশক খঙলক্ট্রে। মীয়াম মরক্তা থোক্লক্তুনা তোৎনা-তিন্নরক্তবনা মীয়ামগী, খুনাইগী থবক তৌনিংদ্রে, মশাখক মতীক চারগা লোইরে, মীয়ামগী, খুনাইগী ৱা মথৌ তাদে খনবগুম্বগী হৈনবি অমরোমদা চৎনখিবদগী মরৈবাক -মরমদম নুংশিবগী চাং নোংমা-নোংমগী হন্থরক্নবগী অচৌবা মরম অমা ওইরক্লি। ফীভম অসি অফবা খূদম নত্তে হায়খি।
ঙসীগী মহৈরোয় অয়াম্বা খুনাইগী চৎনরিবা লম্বীদগী নাথৈদুনা লৈখিবগী মওংশিমক্তি য়াম্না লাইবক থীবা অমনি হায়না রোসন্না ফোঙদোরকখিবগা লোয়ননা মহৈরো‌য়শিংনা খুনাইগী পুন্সিরোল,চৎনরিবা মচৎ অসীদগী আইসোলেৎ তৌখিবা অসিনা মরম ওইরগা ইম্মোস্নেল, ইন্টেলেকচুয়ল অমসুং ফিজিকেল দেভেলপমেন্ত হায়রিবা পূম্নমক অসীদা থীন্থহল্লে হায়খি।
মরম অসিনা ঐখোয়গী খুন্নাইদা হৌজিক তঙায়ফদবা অমা ওইরিবসি আইদিয়ল পেরেন্টিং অসিনি হায়খি।