করফ্যু লৈখিবা অমসুং মীয়ামগী অকনবা ঈরাং লৈখিবদগী য়ৈথোক্তুনা লাকখিবা অহুমশুবা নেস্নেল লোক অদালৎ ঙরাং ইম্ফাল ইষ্ট অমসুং ইম্ফাল ৱেষ্ট দিষ্ট্রিক্ট অনীগী ওইনা লম্ফেলপাত্তা লৈবা কোর্ট কমপ্লেক্সতা পাঙথোক্তুনা লূপা ১,৪৭,২৭,৩০৭ গী ভেল্যু ওইবা কেস ১২৫ গী সেট্টলমেন্ট পুরকপা ঙমখ্রে।
চৎলিবা সেপ্তেম্বর থা অসীগী ১৪ দগী ঙরাং সেপ্তেম্বর ২২ ফাওবা চত্থগনি হায়দুনা থৌরাং তৌরকখিবা অহুমশুবা নেস্নেল লোক অদালৎ অদু অতৈ দিষ্ট্রিক্টশিংগী ওইনদি সেপ্তেম্বর ১৪ দা পাঙথোকখ্রবনি অদুবু ইম্ফাল ইষ্ট অমসুং ইম্ফাল ৱেষ্ট দিষ্ট্রিক্ট অনীগীদি করফ্যু লৈখিবা অমসুং মীয়ামগী অকনবা ঈরাং লৈখিবদগী য়ৈথোক্তুনা লাকখিবদগী ঙরাং পাঙথোকখিবনি। পূন্না প্রি-লিটিগেসন দিসপ্যুট য়াওনা কোর্ট শিংদা পেন্দিং লৈরিবা মেট্টর ৩০২৩ পায়খৎনবা লিষ্টিং তৌখিবগী মনূংদগী ঙরাং পূন্না কেস ১৩৩ লৌখৎতুনা খন্নখি। মদূগী মনূংদা অমুক কেস ১২৫ দি ৱারোইশিন পুরকখিবগা লোয়ননা লূপা ১,৪৭,২৭,৩০৭ গী এমাউন্ট সেট্টল তৌখি।
হায় কোর্ট ওফ মনিপুর গী জজ অনী- জষ্টিস এ গুনেশ্বর শর্ম অমসুং জষ্টিস গোলমৈ গাইফুলশিল্লু অনীনা লোক অদালৎ কি থৌরমদু য়েংশিনখিবগা লোয়ননা অসীগুম্বা মীয়ামদা কান্নরবা, শেল অমসুং মতম মাঙখিগদবা কয়াদগী কনবা ঙম্লিবা ৱায়েল মখল অসীগী খুদোংচাবসি মতূংদসু মীয়াম্না লৌবিনবা আপিল তৌখি।
You may also like
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে