মনিপুর লৈঙাক্কি ফায়র সর্বিসেস দিপার্টমেন্টনা শীন্দুনা ঙসিদগী অহূম্লক শুবা বেটচকি বেসিক ফায়র এন্দ লাইফ সেফটি ট্রেনিং প্রোগ্রাম অমা হৌদোকখ্রে। নুমীৎ মঙানি চত্থগদবা ট্রেনিং প্রোগ্রাম অদু দিপার্টমেন্ট অসীগী ইম্ফাল দা লৈরিবা হেদ ওফিসতা হৌদোকখিবনি।ঙসিগী ট্রেনিং প্রোগ্রাম হৌদোকখিবা থৌরমদুদা শরুক য়ারদুনা ৱা ঙাঙবদা দিপার্টমেন্ট অসীগী দিরেক্তর এল নবচন্দ্রনা, অসীগুম্বা স্কুল অমসুং হোস্পিটাল মহৈরোয়শিংগী ওইবা ট্রেনিং প্রোগ্রাম অসী দিপার্টমেন্ট অসিনা চহী খূদীংগী পাঙথোকপা য়াননবা মরূওইবা রুল অমা ওইনা য়াওহল্লগনি হায়না ফোঙদোকখি।
মনিপুর লৈঙাক্কি জোইন্ট সেক্রেটরি (হোম) ময়েংবম ভেটোনা ঙসিদগী হৌদোকখিবা ট্রেনিং প্রোগ্রামগী থৌরম অদুদা অথোয়বা মীথূঙলেন ওইনা শরুক য়াখি। মনিপুর ফায়র সর্বিসেস দিপার্টমেন্ট অসীগী ফাইনান্স সেক্রেটরি থৌনাউজম সামসন মৈতৈসু থৌরমদুদা শরুক য়াখি। তোঙান তোঙানবা স্কুল অমসুং হোস্পিটালশিংদগী লাকপা মহৈরোয়-ট্রেনি ৬০ না প্রোগ্রাম অদুদা শরুক য়াখি।
স্কুল, হোস্পিটাল অমসুং অতৈ মীয়াম তিনবা মফমশিংদা লৈরিবা বিল্ডিংশিংদা ফয়ার এক্সটিঙ্গুইসরনচিংবা মেটরিয়েল অমসুং ইক্বিপমেন্ট কয়া ইন্সটল তৌদুনা লৈরবসু মীওই অয়াম্বনা শীজিন্নবা হৈতবদগী কাঙ্খ-থাঙ তাদুনা শীজিন্নফম খঙদনা লৈরিবসিদগী কোক্ননবা পান্দমদা ট্রেনিং প্রোগ্রাম অদূ হৌদোকপনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে